Éxodo 13:18

Aymar Bibliia 1986

Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.

Jak'a apnaqawi uñst'ayäwi

Génesis 50:25

Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

Salmos 107:7

Chica thaquiruw jupanacarojj irpjjatäna, jacañ marcaruw irpäna.

Salmos 136:16

Wasar chek marcapar irpiriru: qhuyapayasiñapajj wiñayawa.

Salmos 68:8

orakejj qhathatïnwa, jallojj alajjpachat purintäna, Sinaí kollojj Diosan nayrakatapan qhathatïna; Israelan Diosap nayrakatan ajjsaräna.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 14:2

“Israelitanacarojja aqham sasa yatiyam; cutt'asinjja Pi-hahirot sat cheka nayrakataru puripjjpan, ucasti Migdol sat chekampi, kotampi uca taypinquiwa Baal-zefón sat cheka uñcatasina. Uca uñcatas chekanjja kota jac'aru carpanacap carpt'asisa utjantapjjpan.

Éxodo 14:9

Egipcionacasti mistsuwayapjjänwa take soldadonacapampi, carronacampi, caballonacampi uqhama israelitanacaru arctasina. Ucampis jicjjatapjjänwa kota thiyancasquiriru, Baal-zefón sat lugar uñcatasi Pi-hahirot sat lugar jac'ancasquiriru.

Deuteronomio 17:16

Ucatsti uca reyejj janiw walja caballonacanïñapäquiti ni jakenacsa Egipto marcarojj qhitañapäquiti caballeriap yapjjatañataquejja; Tatitu Diosasti jumanacarojj sapjjtamwa: ‘Jan mayampis uca thaquinjam cuttapjjamti’ sasa.

Deuteronomio 32:10

Wasaran jupanacar jicjjatäna, waña, uqhamarac thayan jawk'suta orakena, amparaparuwa khomjjarusïna, jupanacaru yatichasa, munat imill wawaparjamaw imaraquïnjja.

Josué 1:14

Warminacamsa, wawanacamsa uqhamaraqui uywanacamsa Jordán jawirat accataru jaytasiwayapjjam, cawqharutï Moisesajj orake churapjjtam uca chekaru, cawquïri jakenacatï ch'amanïpjjta nuwasir sarañataqui ucanacasti armanacam apjjarusisin sarjjarupjjam jilanacamaru yanapt'añataqui,

Josué 4:12

Cunjämatejj Moisesajj Josué chacharojj sawaycatayna, uqhamaw Rubén, Gad, uqhamaraqui chicat Manasés tribunacatjja, guerran nuwasir jakenacajj armantata sarapjjaraquïna.

Josué 4:13

Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.