Éxodo 13:17

Aymar Bibliia 1986

Cunapachatejj faraonajj israelitanacar sarjjer antutjjäna ucqhasti, Diosajj janiw filisteonacan marcaparu sarqui uca thaquinjam irpcänti, uca thaquisti chekaquiw saräna. Jupasti amuyänwa israelitanacajja janiw nuwasiñ munapcaspati, cuna ratotejj nuwasiñajj utjcaspa ucqhajja, jan ucasti Egiptoruquiw cutt'aniñ munjjapjjaspa uca.

Jak'a apnaqawi uñst'ayäwi

1 Reyes 8:47

ucatsti cawqha jaya marcarutejj apanucutäqui ucqhatpacha jumar cutcatjjapjjätam, ucatsti achict'asipjjaraquïtam jan wali jucha luratanacap uñt'asisa,

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Éxodo 14:10

Ucampis israelitanacajja, faraonampi egipcionacampi jutir uñjasinjja wali ajjsarayasipjjäna, ucatsti Tatituruw arnakasipjjäna.

Hechos 15:38

Ucampis Pablojj janiw Marcosarojj irpañ muncjjänti, nayra saräwinjj jupanacamp sarcasinjja jupajj Panfiliat cutt'anjjäna, ucatsti janiw jupanacamp chic irnakerejj sarcjjataynati uca laycu.

Hechos 7:39

“Ucampis awquinacasajj janiw juparojj jaysañ munapcänti, jan ucasti jan ist'iriw tucupjjäna, ucatsipana Egiptor cutt'jjañac munjjapjjäna.

Deuteronomio 17:16

Ucatsti uca reyejj janiw walja caballonacanïñapäquiti ni jakenacsa Egipto marcarojj qhitañapäquiti caballeriap yapjjatañataquejja; Tatitu Diosasti jumanacarojj sapjjtamwa: ‘Jan mayampis uca thaquinjam cuttapjjamti’ sasa.

Deuteronomio 20:8

“Ucatsti oficialanacajj wastatwa ejercitorojj parlapjjani aqham sasa: ‘Cawquïritejj jumanacat ajjsarasqui, mayjt'atäscaraqui ucanacasti utapar sarjjapjjpan jan mayni jilanacapar llajllasiyañapataqui’ sasa.

Deuteronomio 28:68

Diosajj: ‘Egipto marcarojj janiw cuttätati’ siscäyätam ucasa, barconacatwa ucarojj cuttayätam, ucatsti esclavor uñtatwa uñisirinacamar aljätam; janiraquiw ucatjja jumar qhiti alasiris utjcaniti.”

Hebreos 11:27

Iyawsäwi laycuraquiw Moisesajj sarjjäna Egipto marcatsa, reyin colerasiñapar jan ajjsarasa, cuntejj amtcatayna ucjja janiw chhaktayascänti, jan uñjcañ Diosarojj uñjcaspas uqhama.

Jueces 7:3

Jichhasti yatiyamay jakenacaru qhititejj ajjsarqui ucajja cuttjjpan utaparu” sasa. Ucatsti Gedeonajj yatiñataquejj yant'änwa ucatjja pä tunca payani waranka jakenacaw sarjjapjjäna, tunca waranka jakenacaquiw kheparjjapjjäna.