Éxodo 12:39

Aymar Bibliia 1986

Jupanacasti Egiptota jan levaduran masanaca apapqui ucatsti t'ant'anaca lurasipjjäna, jupanacasti janiw cuna casta mank'añsa waquichasiwayapcänti, egipcionacajj janc'aqui marcapat alisnucutap laycu.

Jak'a apnaqawi uñst'ayäwi

Éxodo 11:1

Tatitusti Moisesarojj sänwa: —Nayasti mä mutuyäwimpwa churascäjja faraonaru, uqhamarac egipcionacarusa. Ucatsti faraonajj janiw jumanacaru sarjjericti antutapcätamjja, jan ucasti jupa pachpaw marcapat alisnucupjjätamjja.

Éxodo 12:34

Israelitanacasti jan levaduran t'ant'a masanacsti mantelanacar k'epicht'awayasinjja k'epjjarusiwayjjapjjänwa.

Éxodo 6:1

Ucat Tatitusti Moisesarojj saraquïnwa: —Jichhaw uñjätajja cuntejj faraonampi lurcä ucjja. Cunapachatejj nayajj ch'amajja uñacht'aycä ucqhaquiw, marcapat sarjjapjjañamataqui antutapjjätamjja. Ucampis janiw sariricti antutapcätamjja, jan ucasti jupa pachpawa marcapat sarjjapjjam sapjjätamjja.

Mateo 13:33

Yakha uñtasïwitwa jupanacaru parlaraquïna: “Diosan reinopajj mä levadurjamawa, cunjämatejj mä warmejj quimsa medida jac'uru levadurampi chapuntqui ucsti poktayaraqui ucamp sasiwa.”