Éxodo 12:17

Aymar Bibliia 1986

Jumanacasti jan levaduran t'ant'a mank'añ fiestjja amtasipjjapunïtawa, uca uruwa nayajj jumanacarojj Egipto marcat irpsunipjjsma. Uca laycuwa jumanacasa, wawanacaman wawanacapasa aca camachi amtapjjañama.

Jak'a apnaqawi uñst'ayäwi

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 12:24

Aca camachsti jumanacasa, uqhamarac wawanacaman wawanacapasa wiñayataquiw imapjjäta.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:6

Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Éxodo 13:10

Uca laycuwa jumanacajj aca fiesta sapa mara lurapjjäta.’

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Éxodo 13:8

Uca urusti wawanacamarojj sapjjätawa: ‘Acasti lurasiwa cunapachatejj Tatitojj jiwasaru Egiptota apsunquistu uc amtasiñasataqui’ sasa.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Éxodo 6:26

Acanacasti Aarón, uqhamarac Moisés pachpawa, jupanacaruw Tatitojj jawsäna israelitanaca Egiptot apsupjjañapataqui, mä jach'a ejercitor uñtata.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Números 20:16

Ucatsti Tatituruw arnakasipjjta, jupasti ist'apjjetuwa mayisitanacajjarojja, angelap qhitanipjjetu, ucatwa Egiptot irpsunipjjaraquitu. Uqhamaw jichhajj Cades sat marcancapjjta, orakemampis korpasqui ucqhana.

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.