Éxodo 10:7

Aymar Bibliia 1986

Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Jak'a apnaqawi uñst'ayäwi

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Éxodo 12:33

Egipcionacasti, israelitanacarojj wali jariyapjjäna janc'aqui marcapat sarjjapjjañapataqui, jupanacasti sapjjänwa: “Takeniw jiwarañäni” sasa.

Éxodo 23:33

Uqhamaraqui jupanacjja janiw kheparayätati marcam taypina jacañapataqui, jupanacasti naya contraw jucha lurayapjjeristam, diosanacaparu yupaychasa, uqhamatwa jumajj chhakhañaru purisma.”

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Éxodo 8:19

Ucatsti jach'a yatiri jakenacajj faraonarojj sapjjänwa: —¡Acasti Diosan luräwipawa! —sasa. Ucampis faraonajj chuymapa kalarayasisajj janiw ist'añ muncänti cuntejj Tatitojj siscän ucjja.

Proverbios 29:6

Ñankha lurir jaken sipitapajja, jupan pachpa jucha luratapawa, ucampis cheka lurir jakesti cusisitaw c'uchiqui jacasi.

Eclesiastés 7:26

Jiwañat sipansa juc'amp jan wali jicjjataracta, ucasti cawquïri warmitejj chuymapampejj mä sipitampjama sallkjqui, amparanacapampisa catuntcaraqui ucawa. Qhititejj Diosataqui asquïqui ucajja, uca warmitjja jaltaniwa, ucampis jucharar jakejj uca sipitaruw jalantani.

Isaías 14:20

Janiw jichhajj mayni reyinacarjam imapcätamti, marcamar tucjatam laycu, uqhamaraqui marcaman utjir jakenacaru jiwarayatam laycu. Ñankha lurir jaken wawanacapasti janiw wiñaya utjcaspati.

Isaías 51:9

Sartasimay, sartasimay, Tatitun amparapa, ch'amañcht'asimay, sartasimay cunjämtejj nayrapachanacanjja sartasirïcta uqhama. Jumaw uca ajjsarcañ jach'a Rahab sat dragonarojj jisc'a jisc'a tucjtajja,

Jeremías 48:4

“Moab marcasti t'unjatawa. Usuyasiñat warariñanacasti Zoar chekacamaw ist'asi.

Jeremías 51:8

Ucampisa acatjamatwa Babiloniajj jisc'a jisc'a t'unjat uñjasi. ¡Jichhajj jupatjam jachapjjam! Kollanac chhojjrinacapataquejj apanipjjam, uñjañäni, inacha kollasini.”

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

1 Corintios 7:35

Acsti jumanacan asquimataquiwa sapjjsma, janiw jumanacar cun jarc'añ munasati, jan ucasti take chuyma Tatitur sirvisina sarnakapjjañamataquiwa sapjjsma.

Josué 23:13

Diosasti janiw uca jakenacarojj jumanacan nayräjjamat jakonuccaniti, jan ucasti Diosajj mä sipitjama, känjama apnakani jumanacar tincuyañataqui, uqhamaraqui mä azot'ir uñtata jiqhaninacamataqui, mä ch'aphir uñtata nayranacamataqui, uqhamata jan maynis jumanacata jacañapataqui uca suma orakena, cawquïrtï Diosajj jumanacar churapjjtam ucana.

1 Samuel 18:21

Chuymapansti uca phuchapjja Davidaru warmipäñapataqui churañwa amtascäna, uqhamat uca phuchapajj filisteonacan amparaparu Davidarojj catuyañapataqui. Ucatwa wasitata Davidarojj saraquïna: —Jichhacuchaw tollkajjäyätajja —sasa.

1 Samuel 5:11

Take uca marcansti sinti jan walt'añaw jiwañampi sartäna, Diosajj uca jach'a mutuyäwi apayanitap laycu, ucat take filisteonacan jilïrinacaparu jawsayanisin sapjjäna: “Israel marcan Diosapan arcapjja acata cawquirus apasjjapjjam. Cawqhattejj apanipcta ucar apjjapjjam, jan take jiwasanacaru jiwarayañapataqui” sasa.