Éxodo 10:21

Aymar Bibliia 1986

Tatitusti Moisesarojj sänwa: —Amparama alajjpachar loktam, ucatsti take Egipto marcpachanwa lajja ch'amacajj utjani, llamct'añjama —sasa.

Jak'a apnaqawi uñst'ayäwi

Job 5:14

¡Urpachaw jupanacajj juyqhur uñtata cumpunakapjje, ch'amacanacan muyuntata arumäcaspas uqhama!

Salmos 105:28

Diosajj ch'amac apayanisin ch'amact'ayäna, jupanacasti janiw arunacapar ist'apcänti;

Salmos 35:6

thaquipajj ch'amacäpan, llust'araquïpan, Tatitun angelapamp arctat uñjasipjjpan.

Salmos 78:49

Diosaw jach'a k'apisiñap jupanacatac nactayäna, k'apisiña, juchañchaña, llaquisiñ apayanïna, ucanacajj t'unjir qhitanacar uñtatäpjjänwa.

Éxodo 7:19

Ucat Tatitojj Moisesarojj parlascaquïnwa: —Aarón jilamaru aqham sam: “Amparamar thujruma ayjjarusina loktam take egiptonquir umanacjjaru, jawiranquiri, k'awanacanquiri, khothañanacanquiri, take tantat umanaca, uqhamarac lawata, kalata lurat tinajanacan uchat umanacajja wilaru tucuñapataqui” —sasa.

Éxodo 9:22

Ucatsti Diosajj Moisesarojj sänwa: —Amparama alajjpacharu loktam, ucata chhijchhejj wali purintañapataqui Egipto marcpacharu, take jakenacjjaru, uywanacjjaru, uqhamarac take kokanacjjarusa —sasa.

Proverbios 4:19

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Eclesiastés 6:4

Uca wawajj ina ch'usarus chhaktcchini ch'amacaru, cawquintejj sutipas armatäjjani,

Ezequiel 32:7

Cunapachatejj nayajj jumaru t'unjcäma ucapachasti alajjpachas ch'amact'aniwa, warawaranacas janiw khancjjapjjaniti, intirusa kenayanacampiw chhaktayaraquëjja, phajjsisa janiraquiw juc'ampi khancjjaniti.

Mateo 27:45

Ucapachaw take orakpachajj ch'amact'äna, chica urut kalltasina quimsa horascama.

Marcos 15:33

Chica ururusti acapachajj ch'amact'änwa quimsa horascama.

Lucas 23:44

Niya chica urjamäjjänwa. Ucapachaw take aca orakejj ch'amact'awayäna, ucasti quimsa horascamaw uqhamäna.

Deuteronomio 1:30

Jumanacan Tatitu Diosamaw jumanacan nayräjjam sarasqui, ucatsti jumanacat arjjatasaw nuwasini, cunjämtï Egipto marcan lurir uñjapjjta uqhama.

Deuteronomio 28:29

Ucatsti urunsa catt'asitaw sarnakäta cunjämas mä juyqhojj sarnake uqhama. Janiraquiw cuna luratamas sumäcaniti. Catuntata, t'akhesiyata, uqhamaraqui sallkjatapuniw uñjasïta, janiw qhitis yanapt'iri jutcaraquïtamti.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

2 Pedro 2:17

Uca jakenacajj mä jan umani phujur uñtatawa, thayan apnakata kenayanacar uñtatäpjjaraquiwa; jupanacasti wiñayan wiñayapataquiw ch'iyara ch'amacancapjjani.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Judas 1:13

Kota mathapinacjamaw p'enkascañ luräwinacapjja jopokor uñtat waranucupjje; saranucusin chhakat warawaranacjamäpjjewa, wiñayan wiñayapataqui ch'iyar ch'amacanacar apanucutäpjjaraquiwa.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

Apocalipsis 8:12

Ucjjarusti pusïri angelaraquiw trompetap phust'asïna, ucatsti intejja quimsïri partewa t'unjatäjjäna, uqhamarac phajjsisa, warawaranacasa. Uqhama quimsïri parte intis phajjsis t'unjatäjjatapatsti, quimsïri partewa jan khanajj khant'cjjänti, ni urus ni arumasa.