Éxodo 1:16

Aymar Bibliia 1986

—Cunapachatejj israelita warminacaru partot usuyapcäta ucqhajja wali amuyapjjäta uca wawajj imillati jan ucajj yokallacha uca toketjja, imill wawäni ucasti jacascpan, yokall wawäni ucqhasti ucspach jiwayapjjam —sasa.

Jak'a apnaqawi uñst'ayäwi

Salmos 105:25

Egipto orakenquirinacarusti chuymanacap mayjt'ayäna Diosan marcapar uñisipjjañapataqui, uywatanacapar jan walinac lurapjjañapataqui.

Éxodo 1:15

Ucatsti Egipto marcanquir reyejja Sifra, uqhamarac Fúa sat partera warminacampiw parläna, cawquïrinacatejj hebreonacan parterapäcäna ucanacampi, jupanacarusti aqham saraquïnwa:

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Mateo 21:38

Yokapar uñjasasti yapuchirinacajj aqham sapjjänwa: “Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni” sasa.

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.

Hebreos 11:23

Iyawsäwi laycuw Moisesajj nascäna ucqhajj awquinacapajj quimsa phajjsi imantapjjäna; wawan wali jiwaquïtapata, janiraquiw reyin: “Jiwayapjjam” sat arsutaparus ajjsarapcänti.

Apocalipsis 12:4

Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.