Éxodo 1:11

Aymar Bibliia 1986

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Jak'a apnaqawi uñst'ayäwi

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Génesis 47:11

Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

1 Reyes 9:19

Uqhamaraquiw wastat lurayäna cawqhanacarutejj mank'añanaca imapjjerïqui uca marcanaca, ucjjarusti nuwasiñ carronaca imaña cuartelanaca, uqhamarac caballería cuartelanacaraqui, ucatsti cuntï Jerusalenan lurayañ muncäna ucanacaraqui, uqhamarac Líbano ucansa take apnakasqui uca orakpachana.

2 Crónicas 16:4

Ben-adad reyisti Asa reyin parlt'äwiparojja ist'änwa, ucatsti ejercitopan tamanacapan jilïrinacaparuwa qhitäna Israelana marcanacaparu nuwantapjjañapataqui. Uqhamatwa catuntasipjjäna Ijón, Dan, Abel-maim, uqhamarac Neftalí orakenquir imatanaca uchaña take marcanacapsa.

2 Crónicas 8:4

Ucjjarusti asquichayaraquïnwa wasarancqui uca Tadmor marca, uqhamarac Hamat chekana luraycäna ucan mank'añanac imañ take marcanacaraqui.

Salmos 105:13

marcat marca muyupcän ucapachasa, jach'a marcat yakha marcar sart'apcän ucapachasa,

Salmos 129:1

Wayna cancañajjatpach ucatak t'akhesiyapjjetu, —jichhajj Israel marcajj sispan—,

Salmos 129:2

wayna cancañajjatpach ucatak t'akhesiyapjjetu, ucanacampisti janiw atipjapquituti.

Salmos 68:13

Uywa uyunacan samarañamcamasti palomanacajj kollke chhekhanacap qhiwiliyapjjäna, phuyunacapan korejj c'ajäna.

Salmos 81:6

“Jathintir k'epim callachimat apakjjsma, ch'ama tucuñ lurañamat samart'aysma.

Éxodo 1:14

Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Éxodo 2:11

Moisesasti wali waynäjjänwa, ucatsti mä urojja marca masinacap uñjiriw saräna, ucampis cawqhantejj irnakapcäna ucar jicjjatasinjja uñjänwa, jupanacajj ch'ama irnakañanacana wali t'akhesiñampi lurasipcatapa. Uqhamarac uñjaraquïnwa mä egipciojja maynïr marca masiparu nuwjasquiri.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 5:10

Ucatsti jilïri lurayirinacampi, uqhamarac tamanac apnaker jilïrinacampejj sarjjasinjja israelitanacarojj sapjjänwa: —Faraonajj ordenapjjetuwa, jichhajj janiw nanacajj jichhunac churcjjapjjämati.

Éxodo 5:15

Ucampis israelitanacan jilïrinacapajj faraonar quejasiriw sarapjjäna, ucatsti sapjjaraquïnwa: —¿Cunatsa uqhama sirvirinacamar lurta?

Éxodo 5:8

Ucampis mayipjjätawa kawkha adobenactejj jichhacama lurapqui ucatjja, janiw mayas menosäñapäquiti. Jupanacasti jayranacäpjjewa ucatwa jach'at arsusipjje: “Nanacajj sarjjapjjä Diosajjaru sacrificionac loktiri” sasa.

Proverbios 27:4

Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Números 20:15

Nanacan awquinacajjasti Egiptoruw sarjjapjjäna, ucatsti walja maranacaraquiw ucan jacapjjaraquïna, ucampisa egipcionacajj awquinacajjarjamaraquiquiw jan wali uñjapquitänti.

Deuteronomio 26:6

Ucampis egipcionacajj janiw wal uñjapquitänti, azot'ipjjetänwa, llaquisiyapjjaraquitänwa, uqhamaraquiwa wal t'akhesiyapjjetäna mä esclavor tucuyasa.