Éxodo 1:10

Aymar Bibliia 1986

uca laycu waquisiwa wali amuyt'ampi amuyañasa jupanacajj jani juc'ampi mirantapjjañapataqui, ucampis cunapachatejj guerrajj sartaspa ucqhajja inampis jupanacajj uñisirinacasampi mayacht'asisina jiwas contra nuwasisajja marcasat sarjjapjjaspa” sasa.

Jak'a apnaqawi uñst'ayäwi

Job 5:13

Ñankha chuymani jakerusti pachpa ñankha amtatanacaparuw jalantayi, uca ñankha amtatanacapsa aynacht'ayaraquiwa.

Salmos 10:2

Khoru jaken jach'a jach'a tucuñapajj k'apisiñampiw llaquit jakerojj t'akhesiyi, ucampis jupan waquichat pachpa sipitaruw jalt'ascani.

Salmos 105:25

Egipto orakenquirinacarusti chuymanacap mayjt'ayäna Diosan marcapar uñisipjjañapataqui, uywatanacapar jan walinac lurapjjañapataqui.

Proverbios 1:11

Inas sapjjaracchïtam “Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Proverbios 16:25

Jaken amuyatapatjja sarnakäwinacapajj walicjamaquiwa, ucampis tucuyapajj jiwañaquiwa.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Números 22:6

Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Hechos 23:12

Khepürusti yakhep judionacajj Pablor jiwayañataquiw arust'apjjäna. Mä juramentrac lurapjjäna: “Janiw mank'cañäniti ni umcañänisa Pablor jiwayañcama. Jan uqham lurcañänejja, jiwasaw maldicionar puriñäni” sasa.

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.

1 Samuel 29:4

Ucampisa filisteon jilïrinacapajj Aquis reyitaquejj colerasipjjänwa, ucatsti sapjjaraquïnwa: —Jichhajj uqhamajj samaya, cawqharutejj juparojj churcta ucqharu cuttjjapjjañapataqui, janiraqui jiwasampi chica nuwasiri sarcpati, inampisa cheka nuwasïwina jiwasaru cutjjatjjestaspa. ¡Jupataquejj walïspawa reyin nayrakataparu uñstañapajja, aca filisteo soldadonacan p'ekepa apt'ata!