Esdras 7:10

Aymar Bibliia 1986

Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Jak'a apnaqawi uñst'ayäwi

1 Crónicas 29:18

Abrahamana, Isaacana, uqhamarac Israelan nayra awquinacajjana Tatit Diosapa, utjayapunim marcamana chuymanacapanjja aca suma amtampi churañäqui ucjja, ucatsti chuymanacapjja juma tokeru wayusiyam.

2 Crónicas 12:14

Jupan luräwinacapasti jan walinacänwa. Janiraquiwa jupajj take chuymamp Tatitur thaktañar uchascänti.

2 Crónicas 19:3

Ucampis yakha suma luratanacamawa jumanjja utji, jumasti Asera diosan lantinacapajj aca orakena utjcäna ucanacaruwa tucjtajja, uqhamarac Tatitur thaktañarusa uchasiractawa —sasa.

2 Crónicas 30:22

Ezequiasasti take levitanacarojj: “Waliquiw” saraquïnwa, jupanacan Tatitur sirviñataqui wali suma amtäwipa uñacht'ayapjjatap laycu. Jupanacajj pakallk uru fiestana mank'apjjatapata, uqhamarac sumancäwi loktäwinaca loktatatsa, nayra awquinacapan Tatit Diosapar yupaychapjjatapatsa,

Esdras 7:11

Artajerjes reyejj carta churcäna Esdras chacharu, qhititejj sacerdotëcäna, yatichiriraquïna Israelan Diosapan camachi arunacaparu, leyinacaparu suma yatichataraqui, uca cartan arunacapasti aqhamänwa:

Esdras 7:25

“Juma Esdras sacerdotirusti saracsmawa, Diosajj churctam uca yatiñamampisti, utt'ayam juezanaca, marca apnakerinaca Eufrates jawirata inti jalanta tokenquir provinciana jakenacar chekapar uñjañapataqui take qhitinacatejj Diosan leyipa yatipqui ucanacaru; ucatsti qhitinacatejj jan yatipqui ucanacarusti yaticharaquim.

Esdras 7:6

Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Job 11:13

Jichhajj take cunsa chekaparu lurañ amtasim, Diosatsa mayisiraquim.

Salmos 1:2

jan ucasti, jupan cusisiñapajj Tatitun arupawa, uca arupatsti arumay uruw lup'i.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 119:112

Takpach chuymampiw leyinacamarjam sarnakañatac arsta, wiñay phokhañataquiw arsta, tucuycam phokhañataquiw arsuracta.

Salmos 119:45

Uqhamat jan qhitin camsat jacä, arsutanacamar arcatajj laycu.

Salmos 19:7

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Salmos 57:7

Diosajjay, chuymajjajj waquichatawa, ajayojjajj suma thurt'atawa. Jumataquiw k'ochurapïma.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Mateo 5:19

Ucatpï sapjjsmajja, take qhititï uca camachir jan phokcchejja, mä jisc'a camachïcchi ucasa, ucatsti uqhamaraqui jakenacarojj yatichchejja, ucasti alajjpach marcanjja sinti jisc'at uñt'atäniwa; ucatsipan qhititejj camachir phokchejja, ucat uqham yaticharacchi phokhañjja, ucasti jach'añchatäniwa alajjpach marcanjja.

Mateo 7:24

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Juan 13:17

Acanactejj amuyt'apjjäta, ucat lurapjjaraquïta ucajja, cusisitäpjjätawa.

Hechos 1:1

Munat Teófilo, nayrakat kellkatajjanjja, parläyätwa cuntï Jesusajj kalltatpach lurawaycäna, uqhamarac yatichawaycänsa ucanacata,

Deuteronomio 16:12

Amtasipjjaraquim jumanacas Egipto marcanjja esclavöpjjaraquïyätawa, ucatsti take aca leyinacapjja phokhapjjamaya.

Deuteronomio 33:10

Jupanacaw Jacoborusa, Israel marcarusa yatichapjje, leyinacamampisa, arsutanacamampisa. Juman uñjcataw altaramarusa uchapjjaraqui, incienso, uywanaca loktañataqui.

1 Timoteo 3:2

Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Tito 2:1

Cuntejj parlctas ucajj mayaquïñapaw k'oma yatichäwimpejja.

Tito 2:15

Acanacwa jumajj yatichañamajja, yanapt'asa, uqhamarac take jilïr cancañampi ewjjt'asa jan qhitimpis jisc'achayasisa.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.