Esdras 6:3

Aymar Bibliia 1986

“Persia marcanquir Ciro reyejj kallta marapanwa aca arunaca arsüna, aqham sasa: ‘Jerusalenanquir Diosan templopa wasitat luratäñapataquisti, cimientonaca jakontaspan, ucatsti templojj lurasiracpan, uca sacrificionacajj loktatäñapataqui. Ucasti alayarojj pä tunca pakallkoni metronïniwa, anchorusti pä tunca pakallkoniraqui;

Jak'a apnaqawi uñst'ayäwi

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

2 Crónicas 2:6

Ucampis ¿qhitis mä templo lurayañar uchasispajja, alajjpachatejj jach'ätap laycujj jan catjjäsirjamäcchi ucajja? ¿Qhitïtsa nayajj mä templo lurayañataqui, jupar jach'achañataqui incienso naqhayañataquiquisa lurayirista ucasa?

2 Crónicas 36:22

Persia marcanquiri Ciro reyina kallta marana, Tatitun arupajj Jeremías toke parlatäcäna uca phokhasiñapataquejja, Tatitojj Ciro reyiruwa amtayäna take reinopana yatiyasiñapataqui, aru tokesa, kellkata tokesa, aca arsüwi arunaca:

Esdras 1:1

Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Esdras 6:14

Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Salmos 122:4

Ucaruw Tatitun ayllunacapajj maqhatapjje, sutipar jach'añchañataqui, Israel marcar siscän ucarjama.

Apocalipsis 21:16

Ucsarusa acsarusa uca marcajj quipcaquïnwa. Angelasti uca kori varapampiw uca marcjja tupt'äna, ucatsti pä waranka pä patacani kilometrönwa. Anchorusa, altorusa, largorusa quipcaquïnwa.