Esdras 1:8

Aymar Bibliia 1986

Ciro reyejj cutt'ayjjänwa Mitrídates sat kollke caturi chacha toke, ucatsti jupajj jacthapisinjja catuyjjaraquïnwa Judá oraken Sesbasar sat marca apnakeriru.

Jak'a apnaqawi uñst'ayäwi

Esdras 1:11

Korita, kollketa take lurata yänacajja pheska waranka pusi patacanïnwa. Take acanacjja Sesbasar sat chachaw Jerusalenar apjjäna, Babiloniata preso apata jakenacampi cutt'asincäna ucqha.

Esdras 5:14

“Ucjjarusti sapjjaraquituwa: ‘Ciro reyiraquiwa Babilonianquir templota apsuraquïna, korita, kollketa lurata yänaca, cuntï Nabucodonosor reyejj Jerusalenan Diosan templopata apcäna Babilonianquiri temploru ucanaca. Ucatsti jupajj Sesbasar chacharuwa ucanacjja churaraqui, uqhamarac juparojj gobernadoratwa utt'ayaraquïna.

Esdras 5:16

Sesbasar chachasti Jerusalenar purisinjja, Diosan templopan cimientopwa jakontäna jichhajj ucqhatwa wasitat lurasiscaraqui, ucampis janiw tucuyatäquiti.’

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Hageo 1:1

Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Hageo 1:14

Uqhamwa Tatitojj ch'amacht'äna Zorobabelarojja, jupasti Judá marcanjja gobernadoränwa, uqhamarac Josué chacharusa, jupasti jilïri sacerdoteraquïnwa, uqhamarac take jakenacarusa. Ucasti rey Darion pä mara apnakataparusti sojjtïri phajjsina pä tunca pusini uru sarakatarojja wasitatwa take ch'amani Tatitu Diosan templop utachañjja kalltapjjäna.