Efesios 4:14

Aymar Bibliia 1986

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Jak'a apnaqawi uñst'ayäwi

Salmos 10:9

putunquir leonar uñtataw jan cunan jakerojj suyanti, jaljjatqui ucapachasti, sipitapar jalt'ayasaw katati.

Salmos 59:3

wali ch'aman jakenacaw utji, nayar jiwayañataquiw suyantasipquitu.

Isaías 28:9

Nayatsti parlapjjaraquiwa: “¿Jiwasar yatichirit jutapjjaspasti, Diosan arunacapti yatichistaspasti? ¡Jiwasanacajj jisc'a wawanacäcsnas uqhama!

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Mateo 11:7

Jupanaca sarjjepansti, Jesusajj jakenacarojj Bautisiri Juanat parlañ kalltäna, aqham sasa: “¿Cun uñjiris jumanacajj wasarar sarapjjtajja? ¿Thayana wali onokeyata sokosaru uñjiriti?

Mateo 24:11

Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.

Mateo 24:24

Ucürunacanjja walja sallkjirinacaw jutani: “Cristötwa” sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Hechos 23:21

Jumasti jan jupanacarojj jaysamti. Jupanacat pusi tunca jila jakenacaw jamasat suyasipqui Pablor jiwayañataqui. Jupanacajj juramentompiw amtapjje, jan mank'añataqui, ni umañataquisa, Pablor jiwayañcama. Jichhasti juman arumacwa suyasipqui.

1 Corintios 12:2

Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

1 Corintios 14:20

Jilatanaca, jan wawjam amuyt'asirïpjjamti. Jan ucasti jan walinac lurañataquiqui wawjamäpjjam, ucampis amuyt'asiñ tokensti jach'a jakenacjamäpjjaraquim.

1 Corintios 3:19

Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Efesios 6:11

Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui.

1 Timoteo 3:6

Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

2 Timoteo 1:15

Yatiractawa takeniw Asia sat provincianquirinacajj jaytanucjjapjjetu; jupanacat maynïrinacajj acanacawa: Figelo uqhamarac Hermógenes.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Hebreos 13:9

Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.

Santiago 1:6

Ucampis take iyawsañampiw mayiñapa, jan acch'as pächasisa. Pächasiri jakesti kota mathapimpi sasiwa thayampis ucsar acsar apata.

Santiago 3:4

Amuyasipjjaraquim barconacata, jach'anacäpcchisa, apnaker thayas wali ch'amanïraquïcchejja, ucampis barco apnaker jakejj mä jisc'a timonampiquiw apnake, cawqha chektejj jupajj apañ munqui uca cheka.

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

1 Juan 2:26

Aca kellkanipjjsmaw qhitinacatejj jumanacar pantjasiyañ munapjjtam ucjjata.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Judas 1:12

Acanacasti mä p'enkawa cunatejj jumanacajj munasiñanacamatjja suma fiestanac lurapjjta ucanjja, jupanacasti ucanjja jan ajjsart'asaw mank'apjje, uqhamarac umapjje, jupanacpacha awatirinacjamäpjjewa. Jan uman kenayjam thayan apatäpjjewa, uqhamarac horasaparus jan achun kokanacjamäpjjewa, pä cuti jiwata, uqhamarac saphitpacha jiq'inucutäpjjaraquiwa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.