Efesios 3:9

Aymar Bibliia 1986

Nayaruw qhititu, nayra urunacatpacha cunäcäntejj Diosan amtäwipajj uca imantatanac jumanacar yatiyañataqui, uca Diosaw take cunsa luraraqui.

Jak'a apnaqawi uñst'ayäwi

Salmos 33:6

Tatitojj arupampiquiw alajjpach acapach luri; lacapan samanapaquiw take cun utjayi.

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Mateo 10:27

Cuntejj ch'amacana sapcsma ucjja, khanana arsupjjam; jamasat sapcsmas ucjja uta patat arnakapjjam.

Mateo 13:35

Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Mateo 25:34

Ucapachaw cupëjjapancquis ucanacarojj sani: “Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 28:19

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu.

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: “Jan wali jacäwinacamatjja arrepientisipjjam juchanacamajj perdonatäñapataqui” sasa.

Juan 10:30

Awquimpi nayampejja mayaquïpjjtwa —sasa.

Juan 5:17

Jesusasti jupanacarojj sänwa: —Awquejjajj jichhacamaw irnake, nayas uca pachparaquiw irnaktjja —sasa.

Juan 5:19

Ucatsti Jesusajj jupanacarojj saraquïnwa: —Khanacwa sapjjsma, Diosan Yokapajj janiw cuns jupa pachpat lurcaspati, jan ucasti cuntejj Awquejj lurqui ucaracwa luri.

Hechos 15:18

Uqham siw Tatitojja. Jupasti nayratpachaw take ucanacjja jakenacar yatiyi.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

Efesios 1:4

Diosajj Cristotaquiw ajllisistu janïra aca orakejj utjcän ucqhatpacha, k'omachata, jan cuna juchani jupan nayrakatapancañasataqui.

Efesios 3:2

Niya yatipjjpachätawa, Diosajj qhuyapayasiñapat jumanacar Tatitun arunacap parlañajjataqui qhitanquitu ucjja.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:26

uqhamaraqui cunatejj nayra pachanacatpacha imantatäcän ucanaca uñacht'ayañajjataqui. Uca imantäwsti Diosajj jichhajj wawanacaparojj uñacht'ayjjewa.

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

2 Tesalonicenses 2:13

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

1 Pedro 1:20

Cristojj uqham lurañapataquejja, janïra aca orakejj lurasquisa ucqhatpacha waquichatänwa, ucampis janiw uñstcänti, jan ucasti jichhaquiw suma khana uñstjje jumanacataqui.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 14:6

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”