Efesios 2:11

Aymar Bibliia 1986

Uqhamajj amtasipjjam cunjämäpcäyätatejj nayrajj uca. Janchin jakenacar circuncisión lurapjje uca judionacajj sutichasipjjewa “circuncidatäpjjtwa” sasa. Ucampis jumanacajj janiw judío castäpcäyätati, ucatsti jumanacarojj sutichapjjtamwa “jan circuncidatanaca” sasa.

Jak'a apnaqawi uñst'ayäwi

Ezequiel 20:43

Ucanwa jumanacajj amtasipjjäta cuna jan wali luräwinacamampitejj uca orakejj taquisitäcän ucjja, jumanacpachatwa ajjtasipjjaraquïta uqhama ñankhanaca lurapjjatamatjja.

Ezequiel 36:31

Cunapachatejj jan wali sarnakäwinacamata, uqhamaraqui jan wali luräwinacamata amtasipjjäta ucapachasti jumanacpachawa p'enkasipjjaraquïta jan wali lurañanacana, juchanacana sarnakapjjatamata.

Mateo 20:7

Jupanacasti sapjjewa: “Janiw qhitis nanacarojj irnakañataqui mayipquituti” sasa. Ucatwa jupajj jupanacaru sï: “Sarapjjam nayan yapojjaru, ucatsti irnakapjjam, nayasti cunatï waquisqui ucwa pagapjjäma” sasa.

Romanos 11:17

Yakhepa judionacajj layminacjama qhuchhuratächejja olivos kokatjja, ucat jumajj montenquir olivo laymjamäcasina uca suma olivor ayrcatatätawa. Uca olivosti judionacawa. Ucatpï jumajj uca saphitjja uma catoktajja, jupampiraquiw jactajja.

Romanos 2:26

Qhititejj Diosan arunacaparjam sarnakqui lurcaraqui jan circuncidatäcasinsa ucajja, uqham luratap laycuw circuncidatäcaspas uqhamäni, jan circuncidatäcasinsa.

Romanos 2:27

Qhititejj janchipan jan circuncidatäqui, ucatsti Moisesan arunacaparjam sarnakcaraqui ucajja, jumarojj juchañchätamwa. Jumajj yatisctawa, Kellkatas utjascaractamwa circuncidatäscaractawa uqhampachas jan ist'atam laycuw juchañchätam.

1 Corintios 12:2

Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

1 Corintios 6:11

Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.

Gálatas 2:15

Nanacajj nacimientotpach judiöpjjtwa, janiw nanacajj yakha marcanacjam juchararäpcti.

Gálatas 6:12

Cawquïrinacatejj: “Circuncidasipjjapunim” sapctam ucanacajja, jakenacampi asquit uñt'ayasiñ laycuquiw sapjje, uqhamarac Criston crusap laycu jan arcnakayasiñataqui.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Efesios 5:8

Nayrajj jumanacajj ch'amacanwa jacapjjäyäta, ucampis jichhajja Tatitumpi mayachasipjjatamatjja, khananwa jacjjapjjta. Uqhamajj khananquirinacjama jacapjjam.

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 16:12

Amtasipjjaraquim jumanacas Egipto marcanjja esclavöpjjaraquïyätawa, ucatsti take aca leyinacapjja phokhapjjamaya.

Deuteronomio 5:15

Amtasiraquim Egipto marcan esclavot sarnakatama, ucatsti Tatitu Diosamaw apsuntam jach'a ch'amapampi, ucatwa Diosamajj amtaytam jumaru uca urun samarañamataqui.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Deuteronomio 9:7

“Jan armasipjjamti jumanacajj wasaran Tatitu Diosamaru colerayapjjatamjja. Jumanacasti Dios contraquipuniw sartapjjäyätajja, Egipto marcat mistusina aca orakenacar puriniñcama.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Colosenses 1:21

Nayrajj jumanacajj Diosat jayancasipcäyätawa chuymanacamansti Diosan uñisirinacaparaqui, jan walinac lurapjjatam laycu. Ucampis jichhajj Diosajj jupampejj sumancthapiyjjapjjtamwa,

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.