Efesios 1:3

Aymar Bibliia 1986

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Jak'a apnaqawi uñst'ayäwi

Génesis 14:20

Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Génesis 22:18

take marcanacaraquiw jupanac toke bendicitäni, nayaru jaysatam laycu” —sasa.

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

1 Crónicas 4:10

Jabes chachasti israelanquir Diosaruw oracionan mayïna aqham sasa: “Achict'assmawa bendición nayar churañamataqui, uqhamarac mä jach'a orake, ucatsti yanaparaquita, khespiyaraquita jan walinacata nayan jan walt'añanacajj utjañapataqui” sasa. Diosasti juparojj churänwa cuntï jupajj maycäna uca.

2 Crónicas 31:8

Ucatjja cunapachatï Ezequiasasa, autoridadanacasa sarapjjäna cuntï muntunascäna ucanac uñjiri ucqhajja, Tatiturojj bendicipjjänwa, uqhamarac Israel marcaparusa.

Nehemías 9:5

Ucatsti levita chachanacajj Jesúa, Cadmiel, Binuy, Hasabnías, Serebías, Hodías, Sebanías, uqhamarac Petaías ucanacajj sapjjänwa: —Sartasipjjam, ucatsti wiñayan wiñayapatac jaquir Tatit Diosamaru yupaychapjjam. ¡Tatitusti bendicitäpan, uqhamaraqui jach'a kollan sutipasa jach'añchatäpan! —sasa.

Salmos 134:3

Tatitojj Sión kollutpachay jumarojj asquinac apayanpan: jupaw alajjpach acapach lurirejja.

Salmos 72:17

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Salmos 72:19

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Isaías 61:9

Wawanacapasti take marcanac taypinjja wali jach'at uñt'atäniwa; take jupanacar uñjirinacasti aca marcajj Tatitun bendecita marcätapa uñt'apjjaraquini.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Lucas 2:28

Simeonasti amparapar ichjjarusisinjja Diosaruw yupaychäna:

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 17:21

Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Juan 20:17

Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Romanos 12:5

uqhamaraquiw jiwasanacajj waljanïcstan ucasa, Cristonjja maya sapa cuerpoquïtanjja, ucatsti takenis maynit maynicamajj mä cuerpjamaquïtanwa.

Romanos 15:6

uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 12:12

Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa.

2 Corintios 1:3

Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa.

2 Corintios 11:31

Jesucristo Tatitusan Dios Awquipajja, qhititï wiñayataqui yupaychatäñapäqui ucajj yatisquiwa chekpuni sascatajj-jja.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Gálatas 3:9

Uqhamajj qhitinacatejj iyawsañanïpqui ucanacajj iyawsir Abrahamamp chica bendecitäpjjewa.

Efesios 1:10

Aca amtäwirjamawa phokhasini cunapachatejj uca urojj purcani ucqhajja. Diosasti mayachthapiniwa take cunsa, alajjpachanquirinacsa aca orakenquirinacsa, Criston munañapancañapataqui.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Efesios 1:20

cunapachatejj jiwatanac taypit Cristoru jactayqui ucawa, ucatsti alajjpachanjja jupan cupëjjaparuw kont'ayasi,

Efesios 2:6

Diosajj Cristo Jesusamp chicaw jactayaraquistu, jupamp chicaw alajjpachanacan kont'ayaraquistu.

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.

Efesios 6:12

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Filipenses 2:11

ucat takeni arsuñapataqui Jesucristojj Tatitütapa, Dios Awquejj jach'achatäñapataqui.

Hebreos 8:5

Aca sacerdotenacasti cunatejj alajjpach yänacan ch'iwipäqui ucanac tokequiw jupanacajj sirvipjje. Yattanwa ucanacajj mä copiaquiwa. Cunapachatejj Moisesajj santuario lurañapäcän ucqhajja, Diosajj sänwa: “Wal amuyam cuntejj kollunjj uñacht'aycsma ucar uñtatwa take cuns luräta” sasa.

Hebreos 9:23

Ucatpï waquisïnjja aca sacrificionaca utjañapajja alajjpachat yatekasit yänaca k'omachañataqui, ucatsipan alajjpach yänacajj ucats juc'amp suma sacrificionac muni.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,