Eclesiastés 7:2

Aymar Bibliia 1986

Cusisiñaru sarañata sipansa, jiwirin utaparu sarañawa asquejja. Jiwañajj take jakenacan tucuyäwipawa, ucatsti jaquirinacajj amuyt'asipjjañapawa.

Jak'a apnaqawi uñst'ayäwi

Salmos 90:12

Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Eclesiastés 2:14

Yatiñanejja sumwa nayrapampi uñatati, ucampis pisi amuyt'anejja ch'amacanjamwa sarnake. Ucampis amuyaractwa paninpacharusa pachpaquiraquiw suyt'asqui,

Eclesiastés 2:16

Yatiñan jaketsa, pisi amuyt'anitsa janipuniw qhitis amtascjjapjjaniti; urunac pasjjatatsti takew armatäjje, uqhamarac yatiñanisa, pisi amuyt'anisa pachpaquiw jiwapjje.

Eclesiastés 3:19

Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Eclesiastés 3:20

Takenis mä tucuyäwiruquiw sarapjje; takenis lak'ata luratäpjjewa, uqhamaraquiw takenis lak'aru tucjjapjjani.

Eclesiastés 6:6

Jupajj pä waranka marasa jacchisapäna yänacapata jan cusisisa ucajja, ¡panpachanis pachpa chekaruw sarapjjejja!

Eclesiastés 9:2

Uqhamasti uca pachpawa takenirusa suyt'asqui asqui jakerusa, jucharar jakerusa, suma jakerusa jan wali jakeru, k'omaru jan k'omaru, sacrificio churirirusa jan churirirusa; uca pachparaquiw suyt'asqui suma jakerusa, jucharar jakerusa, juramento luririrusa, jan luririrusa.

Eclesiastés 9:3

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Eclesiastés 9:5

Ucjjarusti, qhitinacatejj jacasipqui ucanacajja yatisipjjewa jiwjjañanacapa, ucampis jiwatanacajj janiw cunsa yatipquiti, janiraquiw cunsa jicjjatapcaraquiti, jupanacajj armatäjjatap laycu.

Isaías 47:7

Saractawa: ‘Wiñayataquiw nayajj reinäyäjja’ sasa; janiw take ucanacjjarojj amuyt'asctati, janiraquiw lup'caractati cunjämarus tucuyapjjani ucjja.

Jeremías 16:8

“Cawquïri utantejj jach'a mank'añajj utji ucarusti janiraqui mantamti, jupanacampi chica kont'asisin mank'añataquejja.

Hageo 1:5

Naya take ch'amani Tatituw sapjjsma: Amuyt'asipjjam sarnakäwinacamata.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Números 23:10

Jupanacasti lak'jamäpjjewa, ¿qhitis jact'araquispa? ¿Qhitisa kawkhätapsa yatiraquispa? Nayasti uca asqui jakenacampi chica jiwañ munirista, tucuyajjas jupanacanjamaraquïspa” sasa.

Mateo 5:4

“Cusisiñanïpjjew jachirinacajja, jupanacasti Diosampi chuymachatäpjjaniwa.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.

Deuteronomio 32:46

ucapachajj aca arunacwa Israel marcaru säna: “Sum amuyt'asipjjam take cuntï jichhüruna sapcsma ucanacata, ucatsti wawanacamarus sapjjam take aca arunacan yatichäwinacaparjam sarnakapjjañapataqui.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.