Eclesiastés 3:3

Aymar Bibliia 1986

Jiwayañ horasa, kollañ horasa. Tucjañ horasa, utachañ horasa.

Jak'a apnaqawi uñst'ayäwi

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

Isaías 44:26

Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.

Isaías 6:10

Aca marcan amuyupsti chhaktayam, jinchunacapsti llupt'araquim, nayranacapsa ch'okantam, jan uñjapjjañapataqui ni ist'apjjañapataquisa, ni amuyt'apjjañapataquisa, uqhamat jan nayaru cuttanipjjañapataqui, nayas janiraquiw jupanacarojj kollcäti” sasa.

Jeremías 1:10

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jeremías 31:28

Cunjämatejj jiq'inucuñataquisa, liwinucuñataquisa, pampa t'unjañataquisa, tucjañataquisa, cunayman ñankhanaca lurañataquisa nayajj janc'aquïyätjja, uqhamaraqui jichhajj janc'aquiraquïyäwa wasitat sayt'ayañataquisa, uqhamaraqui wasitata ayruntañataquisa. Naya Tatituw ucjja arsta.

Jeremías 33:6

Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.

Jeremías 45:4

Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Ezequiel 13:14

Cuna perktejj jumanacajj jank'or tucuyapcta ucsti liwinucüwa, pamparuw liwinucü, cimientonacapsa khanaruw apsuraquëjja. Jïsa, uca perkajj liwisiniwa, jumanacasti uca perkampi liwjjattataw jiwarapjjäta. Ucapachaw jumanacajj yatipjjäta nayan Tatitütajja.

Hageo 1:2

Take ch'amani Tatitusti aqham sänwa profeta tokjja: “Aca jakenacajj: ‘Janïraquiw templo utachañajj’ sasaw sapjje.

Hageo 1:4

¿Asquiti jumanacataquisti suma c'ajquiri utanacan utjasipjjañamasti, nayan utajjasti k'ala tucjatäquipansti?

Zacarías 1:12

Tatitun angelapasti siwa: —Take ch'amani Tatitu, pakallko tunca maraw niy coleratäjjtajja Jerusalén marcampi, Judá marcanacampejja, ¿kawkha marampïscanisa wasitat qhuyapt'ayascäta ucqhacamajja? —sasa.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.

1 Samuel 2:6

Tatituw jacañjja churi, juparaquiw apakjje; sepulturcamaw puriyistu, juparaquiw jacatatayaraquistu.