Eclesiastés 11:8

Aymar Bibliia 1986

Ucatsti maynejj walja maranaca jacchini ucasa, uqhamarac take ucanacampisa cusiscchini ucasa, ucampis amtasiñapawa ch'amac urunacasti waljäniwa, ucatsti take cunatejj jutcani ucajja inamayaquiwa.

Jak'a apnaqawi uñst'ayäwi

Job 10:21

janïra cunatejj jan mayampitaqui sarañäcjje ucar sarjjarcjjepana, cawqhatejj ch'amacäqui, ch'amacanacas jan walïqui ucaru,

Job 10:22

cawqhantejj ch'iwisa jan walt'añasa utjqui ucaru, cawqhantejj pachpa khanasa ch'amacampejj mayaquïcjje ucaru.”

Job 14:10

Ucampisa jakejj jiwjjasinjja jan mayampitaquiw chhaktawayjje, ¿jiwjjasinsti cawquiruraqui sarjjpachasti?

Job 14:12

ucampisa alajjpachanacan utjañapcamasti, jakejj janiw imäwipatjja sartcaniti; janiw samcapatjja uñatatcaniti.

Job 15:23

Jiwat cuerpopan janchipasti siwek'aranacan mank'apaquëjjaniwa; jupasti yatiraquiwa ñankt'añajj jupataquejj jutascatapapuni.

Job 18:18

Khanatsti ch'amacaru apanucutäjjaraquiniwa; acapachatsti apanucjjapjjaraquiniwa.

Salmos 49:20

Jakejj kamirïscpasa, janiw wiñayäquiti, uywanacjam jiwiriquiwa.

Eclesiastés 11:2

Cawqhacamatejj utjctam uqhacama, utjirinacam mayninacampi jaljasim, cuna jan walitejj marcar jutcani uc jan yatitam laycu.

Eclesiastés 2:15

ucatwa sista: “Cunatejj pisi amuyt'aniru suyt'asquejja ucaraquiw nayarojj suyt'araquitu, uqhamasti wali yatiñanïñajjajja janiw nayataquejj cuna asquïquisa.” ¡Ucasa inamayaquiwa!

Eclesiastés 2:17

Nayajj jacañarojj uñisïyätwa, take cunatejj aca oraken lurasqui ucan naya toke sayt'asitap laycu. Take cunasa chekpachanjja inamayaquiwa, ¡thayarusa catthapï siscsna uqhamaquiwa!

Eclesiastés 2:19

Ucatsti, ¿qhitirac yatispa nayjjaru jutcani ucajj ch'iqhïchini, jan ucajj pisi amuyt'anïchini ucjja? Ucampis catuntasispawa take cunanactejj wali ch'amampi, yatiñampi aca orakena lurcta ucanacjja, ¡ucasti inamayaraquiquiwa!

Eclesiastés 2:26

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

Eclesiastés 4:16

Jupajj walja jan jact'caya jakenacarusa apnakcchini ucasa, janiw uca jakenacasa, wawanacapasa jupampejj cusisitäpcaniti khepürunjja. Ucasti inamayaraquiquiwa, thayarusa catthapï siscsna uqhama.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 6:11

Chekpachansa walja parlañanacanjja, jan wali arunacaquiwa utji; ucampisti janiw cuna asqui jicjjatañas utjquiti.

Eclesiastés 6:6

Jupajj pä waranka marasa jacchisapäna yänacapata jan cusisisa ucajja, ¡panpachanis pachpa chekaruw sarapjjejja!

Eclesiastés 7:14

Sumancaña jutipanjja cusisim; jan walt'aña jutipansti amuyt'asiraquim, mayasa, mayasa Diosanquiwa, ucatsti jakejj janipuniw yatquiti cunatï jutir urunacana jutcani ucatjja.

Eclesiastés 8:12

Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Eclesiastés 8:15

Ucatwa nayajj sista: —Cusisiñajj utjpan —sasa. Aca orakenjja jaketaquejj asquiwa mank'añanaca, umañanaca, uqhamarac cusisiñanaca. Ucaquiw jaketaquejj utji irnakatapatjja, Diosajj aca oraken jacañ churqui uca urunacapana.

Eclesiastés 9:7

Uqhamasti jichhajj cusisiñampi t'ant'am mank'asim, uqhamarac vinomsa umasim, juman luratanacamajj Diosataquejj asquïtap laycu.

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Mateo 22:13

Ucapachaw reyejj uywatanacarojj aqham sï: “Amparampita cayupampita chinuntasinjja anka ch'amacanacaru jakonucunipjjam, ucanwa wararini laca ch'acsa t'urusiraquini.”

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.