Daniel (hebreo) 11:2

Aymar Bibliia 1986

Jichhasti cunatejj chekapäqui ucwa uñacht'ayäma: “Persia marcarusti quimsa reyinacaw apnakascani, ucanac khepasti yakha reyiraquiw sartani, jupasti sinti kamiriraquïniwa, mayni quimsa reyinacat sipansa. Cunapachatejj uqhama kamiri cancañapampi wali munañanipuni tucjjani ucapachasti, take kamir cancañapampiwa Grecia marcataquejj sayt'ani.

Jak'a apnaqawi uñst'ayäwi

Esdras 4:24

Uqhamatwa Jerusalenan Diosan templopa lurañajja sayantäna, Persia marcanquir Darío reyin payïri marapcama.

Esdras 4:7

Ucatsti Persia marcanquir Artajerjes reyin apnakäwipansti mä cartwa jupar kellkapjjäna Bislam, Mitrídates, Tabeel sat chachanaca, uqhamarac mayni masinacapampiraqui. Uca cartasti arameo aruna kellkatänwa, ucata yakha aruru jakoquipatapampiraqui.

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Proverbios 22:21

jumar cheka cancaña uñt'añama yatichañataqui, uqhamata qhititejj jisct'ätam ucar suma yatiyäwi arunaca churañamataqui.

Daniel (hebreo) 10:1

Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 11:25

“Ch'amaparu, uqhamaraqui jan ajjsariri chuymaparu alcatasisajja aynach tokenquiri reyiruw nuwantaraquini wali jach'a ejercitopampi yanapt'ayasisa. Aynachanquiri reyisti jan ajjsarasaraquiw guerrarojj sarantani, mä jach'a ch'amani ejercitompi, uqhamaraqui walja soldadonacampi; ucampisa jupajj sallkjataw uñjasini, janiraquiw uñisiripan ejercitop contrajj sayt'asiñ puedcaniti.

Daniel (hebreo) 7:5

“Payïri animalasti mä osor uñtatjamaraquïnwa, maysa toketjja juc'ampi waytata, maysa toketsti janiraqui, uca animalasti quimsa jaraphi ch'aqhanaca acht'atänwa; ucatsti ist'aractwa aqham siri: ‘¡Saram, ucatsti kawkha aychtejj muncta uca mank'antaniraquim!’ sasa.

Daniel (hebreo) 8:21

Cabritosti Grecia marcan reyipawa, cuna jach'a wajjrapatejj pä nayrapa taypin utjqui ucasti nayrïri reyipawa.

Daniel (hebreo) 8:26

“Jayp'u, uqhamaraqui alwa unañchäwi uñjatamasti niya khanañchatäjjtamwa, ucasti chekawa; ucampisa jumajj ucanacjja chuymamaruqui imaraquim, ucasti walja urunaca pasatatwa phokhasjjaraquini” sasa.

Daniel (hebreo) 8:4

Uca orko ovejasti wajjranacapampiw mokenokascäna, inti jalanta tokeru, amstaru, aynacharu, uqhama janiraquiw cawquïri animalas uca ovejampi jiquintasirejj utjcänti, ni cawquïri animalas mokesiñapat jaltirejj utjcaraquïnti. Uca ovejasti cuntejj muncäna ucwa luraraquïna, sapa cutiw juc'ampi ch'amani tucjjäna.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Juan 10:35

Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: “diosanac” sasa, qhitinacatejj arunacap catokqui ucanacaru.

Apocalipsis 21:5

Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.