Apocalipsis 9:4

Aymar Bibliia 1986

Uca t'ijut'ijunacasti janiraquiw cuna ch'ojjñanacarusa, ni kokanacarusa jan wali lurapjjañapäcänti, jan ucasti qhitinacatï Tatitun sellopampi paranacapan jan chimpt'atäpqui uca jakenacar t'akhesiyañataqui qhitanitäpjjänwa.

Jak'a apnaqawi uñst'ayäwi

Job 1:10

Jumajj janiw qhitina juparu llamct'añapsa munctati, janiraquiw familiaparusa, cuna yänacapatejj utjqui ucanacarusa. Jumasti take luratanacaparojj bendiciractawa, ucatwa jupajj orakenjja walja uywanacani kamir jakejja.

Job 1:12

Diosasti Supayarojj saraquïnwa: —Uqhamajja waliquiwa, jichhasti Job chachan take yänacapampejj cunjämarutejj muncta uqhamaru luram. Ucampisa juparojj jani cuna jan walinacsa luramti —sasa. Ucatsti Supayajj Diosan nayrakatapatjja sarawayjjänwa.

Job 2:6

Ucat Diosasti Supayarojj saraquïnwa: —Waliquiwa, jichhasti jupampejj jumajja cunjämtejj muncta uqhamaru luram, ucampis jacañapaqui jan apakamti —sasa.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Éxodo 12:23

Tatitusti egipcionacaru jiwarayir jutasinsti, uta puncuna wila uñjasinjja pasawayaquiniwa uca utjja, uqhamatwa Tatitojj jani jiwjja utanacamaru mantayancaniti jiwayañataquejja.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Mateo 24:24

Ucürunacanjja walja sallkjirinacaw jutani: “Cristötwa” sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Apocalipsis 14:1

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Apocalipsis 6:6

Uca pusi jacasquirinac taypitsti mä aru ist'aracta aqham siri: “Mä kilo trigoquiw churasini mä denario kollketjja, quimsa kilo cebadaquiraquiw churasini mä denario kollketjja; janiraqui ina ch'usaru wartamti aceitsa ni vinsa.”

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.