Apocalipsis 7:9

Aymar Bibliia 1986

Ucatsti uñjaractwa walja jakenaca take marcanacata, cunayman janchini, uqhamarac take casta parlani. Jupanacasti trono nayräjjan uqhamarac Cordero nayräjjapan sayt'atäsipcänwa. Waljanïpjjapunïnwa, janiraquiw qhitis jact'caspati, jank'o isincamaquïpjjänwa, amparanacaparojj palmanacas ayt'atcamaquiraquïnwa.

Jak'a apnaqawi uñst'ayäwi

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Salmos 2:8

jumajj nayat mayiscaquita: marcanacjja, catokäwimjam catuyjjäma, orak tucuscam apnakasiñamataquiw churjjaraquïma.

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Salmos 76:4

Diosay, jumajj khapak cancañanïtawa, jach'a kollunacat sipan juc'ampïtawa.

Salmos 77:2

Tatitojjay, llaquisiñajjan jumar thaksma, arumthapejj jan karjasisaw amparanac loktansma, ajayojjasti janiw chuymachasiñ jicjjatquiti.

Salmos 98:3

Israel marca laycusti, qhuyapayasiñapampita, arsutap phokherïtapampit amtasi. Takpach oraken jaquirinacaw Diosasan atipjatap uñjapjje.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 3:17

Ucapachaw Jerusalenajj Tatitun tronopa satänejja; take marcanacaw ucaru tantacht'asipjjani, ucatsti nayaruw jach'añchapjjaraquitani, janiraquiw chuymanacapan jan wali amtatanacaparojj arccjjapjjaniti.

Ezequiel 47:5

Yakha pheska pataca metronacampwa tupt'araquïna, ucasti mä jach'a jan pascaya jawiraw tucuwayjjaraqui; uca jawirasti wali jach'a jawiraw tucjjäna, umanacapasti waljapunïnwa tawumpi pascatañjamaquïnwa.

Daniel (hebreo) 4:1

“Naya, Nabucodonosor reyejj muntwa sumancañajj utjañapa, phokt'atäñasa take marcanacana, uqhamaraqui take jakenac taypina aca oraken jaquirinacana.

Daniel (hebreo) 6:25

Ucjjarusti rey Dariojj mä kellkata apayäna, take marcanacaru, uqhamaraqui cunaymani casta parlanacani jakenacaru aqham sasa: “Jumanacataquejj muntwa sumancañajj utjañapa, uqhamaraqui take phokt'ata sarnakapjjañama.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Levítico 23:40

Kallta urusti kokanacatjja cawquïri frutanacatejj sumäcani ucanacwa apakapjjäta, uqhamarac palmera ramanaca, ucjjarusti wali ch'ojjña kokanacatsa, saucenacatsa ramanaca apakapjjaraquïta, ucatsti pakallko urunacaraquiw Tatitun nayrakatapan cusisipjjäta, jupasti jumanacan Tatitu Diosamawa.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Lucas 12:1

Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Juan 12:13

Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Efesios 6:13

Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui.

Hebreos 11:12

Uqhamajj Abrahamajj tucuy urunacapancchïnsa, walja jan jact'cay wawanacaniw uñjasiwayi, alajjpach warawaranacjama, kota thiy ch'alljamaraqui.

Hebreos 12:22

Ucatsipan jumanacajj Diosar yupaychañataquejj Sión kolluru, jacquiri Diosan marcaparu, alajjpach Jerusalén marcaru, walja warank tantacht'at angelanacaruw jac'achasipjjtajja,

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 22:3

Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.

Apocalipsis 4:4

Uca trono muyuntatasti yakha trononacaw utjaraquïna, ucanacasti pä tunca pusinïnwa. Uca trononacansti pä tunca pusini ancianonacaw jank'ot ist'ata uqhamarac kori coronanacan asjjatata kont'atäsipcaraquïna.

Apocalipsis 5:11

Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.

Apocalipsis 6:11

Ucatsti jank'o isinacaraquiw jupanacarojj churatäna, ucatsti satäpjjaraquïnwa: Samart'asipjjaquim, mä juc'a pachampi suyt'apjjaquiraquim, jilanacaman jumanacan ucaru jutjjapjjañapataqui cawkhacamatejj waquisqui ucqhacama. Jupanacasti Cristor sirviñ laycuw jumanacjamajj jiwarayatäpjjaraquini, sasa.

Apocalipsis 7:8

Zabulón tributsti tunca payani waranka, José tributsti tunca payani waranka, Benjamín tributsti tunca payani waranka.