Apocalipsis 7:4

Aymar Bibliia 1986

Ucatsti ist'aractwa qhitinacatï chimpt'äpcäna ucanacajja, pataca pusi tunca pusini waranka jakenacätapa, Israel marcanquir jakenaccamaqui.

Jak'a apnaqawi uñst'ayäwi

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Éxodo 28:21

Aca kalanacasti tunca payanïñapawa, Israelan wawanacapajj tunca payaniwa uca laycu; ucampis sapa maya kalaruwa maynin sutipajj sellontatäñapa.

Ezequiel 47:13

Tatitojj aqham siwa: “Israelan tunca payani tribunacapajj cuna oraktejj herenciata catokcani ucan korpanacapasti aqhamäniwa. (Josearusti pä ucqhaw wact'araquini).

Ezequiel 48:19

Marcan jaquirinacasti, israelitanacat cawquïri tribunquirïpasaya, uca orakjja yapuchasipjjaraquiniwa.

Zacarías 9:1

Aca arunacsti Tatituw yatiyawayi Hadrac marcampi, Damasco marcampi contra: “Sirianquir marcanacajj Tatituncapjjewa, take Israelanquir tribunacjamaraqui.

Mateo 19:28

Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Lucas 14:22

Ucjjarusti uywatajj saraquïnwa: “Tata, arsutamarjamaw phokta, ucampis utjascaquiw kont'asiñajja” sasa.

Lucas 22:30

qhä reinojjan jumanacajj mank'apjjäta, umapjjaraquïta mesajjana, uqhamarac tronon kont'asipjjäta, Israelan tunca payan triburu taripapjjañamataqui.”

Hechos 26:7

Israelan tunca payan wawanacapat sartir marcanacasti uca pachparaquiw Diosan arsutapar phokhañap suyt'asipcaraqui. Ucatwa jupanacajj Diosarojj yupaychapjje, sirvipjjaraqui uruy aruma. Rey Agripa, ucatwa nayarojj jichhajj juchañchapjjetu.

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

Santiago 1:1

Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.

Apocalipsis 14:1

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Apocalipsis 14:3

Ucatsti mä machak k'ochu k'ochupjjäna Tatitun tronop nayräjjana, uqhamarac uca pusi jacasquirinacan nayrakatapansa, uca pä tunca pusini jilïrinacan nayrakatapansa. Janiraquiw qhitis uca k'ochjja yatekañataqui ch'amanïcänti, jan ucasti patac pusi tunca pusini waranca, qhitinacatejj aca orake jakenac taypita khespiyatäcataynajj ucanacaquiw yatekapjjäna.

Apocalipsis 7:5

Judá tributjja tunca payani warankänwa, Rubén tributjja tunca payani waranka, Gad tributsti tunca payani waranka,

Apocalipsis 9:16

Ucatsti caballjjat sarapcäna uca soldadonacjjatwa ist'ta, ucanacasti pä patac millonänwa.