Apocalipsis 7:17

Aymar Bibliia 1986

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.

Jak'a apnaqawi uñst'ayäwi

Salmos 22:26

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Salmos 23:5

Uñisirinacajjan uñjcañaw mank'añ waquicharapista, k'apquir kollampiw p'ekejjat jawintista, vasojjasti phokharasquiwa.

Salmos 28:9

Tatay, marcamarojj khespiyaquimaya, jumar iyawsirinacar asquinac churam; awatirir uñtat jupanacar uñjam, ¡wiñayapun amparamampejj irpam!

Isaías 12:3

Jumanacas cusisitaw sarapjjaraquisma, jupan khespiyasiñ umapat umt'irejja,

Isaías 25:6

Sión kollunsti take ch'amani Tatitojj take marcanacataquiw waquicharaquini, mä suma mank'äwi suma imat vinonacampi, sinti suma mank'anaca uqhamaraqui suma ajllit vinompi.

Isaías 25:8

Tatitojj wiñayataquiw jiwañarojj t'unjani, take jakenacana nayranacapatsti jachanacapsa pichararaquiniwa, marcapan aynacht'atapsti take aca orakpachatjja chhaktayjjaraquiniwa. Tatituw uqham arsu.

Isaías 30:19

Jerusalenan jaquir Sión marca, jan juc'ampi jachcjjapjjamti. Tatituw jumatjja qhuyapt'ayasïtam yanap mayisisa arnakasitamata, ist'asinsti jaysaraquïtamwa.

Isaías 30:25

Cunürutejj jach'a jiwarayañ urojj purincani, uqhamaraqui jach'a perkanacas liwirtcani uca urojj walja jawiranacaw, umampi phokhantata kollunacanjja jalani.

Isaías 35:10

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 49:9

catuntanacaru sañataqui: ‘Jichhajj sarjjapjjam’ sasa, ch'amacanquirinacarusti: ‘Khanar mistjjapjjam’ sañataqui. Take thaqui chekanacansti walja pasto jicjjatapjjäta, cawqui wasara chekanacansa uywanacamataquejj pastjja jicjjatapjjaquïtawa.

Isaías 51:11

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Isaías 60:20

Intimajj janipuniw ch'amact'caniti, phajjsin khanapas janiraquiw chhaktcaniti naya Tatituw juman wiñay khanamäyäjja uca laycu, lutosiña urunacamasa tucusjjaniwa.

Isaías 65:19

Naya quipcaw Jerusalenatjja cusisëjja, marcajjar uñjasinsti cusisiraquïwa. Ucanjja jachañajj janiw utjcjjaniti, janiraquiw llaquisiñat aykoñas utjcaniti.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 31:9

Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Miqueas 5:4

Reyisti marcapar awatiñataquiw sartani, Dios Tatitupan ch'amapampi, jach'a cancañapampiraquiw awatini. Jupanacasti samarataquiraquiwa jacasipjjani, Tatitun take acapachana jach'aru aptatätap laycu.

Miqueas 7:14

“¡Tatitu, marcamarojj uñjamaya, juman ovejanacamaru, jupanacasti sapaquiw ch'umi mankhancasipqui, suma orakenacana! Anaquimaya nayrapachanacanjama, Basán, uqhamaraqui Galaad uca chekanquir pastonacaru.

Mateo 2:6

Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja —sasa.

Mateo 5:4

“Cusisiñanïpjjew jachirinacajja, jupanacasti Diosampi chuymachatäpjjaniwa.

Juan 10:11

Nayätwa suma awatirejja. Suma awatirejj jacañapwa apt'asi ovejanacap laycojja.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:11

Warmisti Jesusarojj saraquïnwa: —Tata, janiw cunamp um apsuñamas utjquiti, phujusa wali mankheraquiwa. ¿Cunjämatsa jacquir um churitasma?

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.

Apocalipsis 21:22

Janiraquiw cuna templsa ucanjja uñjcti, pachpa Diosaraquiw ucanjja templojja, uqhamarac Corderosa.

Apocalipsis 21:23

Uca marcanjja janiw munascänti intisa ni phajjsi khanasa, pachpa Diosaw ucan khanäna, uqhamarac Corderowa khanaraquïna.

Apocalipsis 21:4

Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.