Apocalipsis 7:1

Aymar Bibliia 1986

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.

Jak'a apnaqawi uñst'ayäwi

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 27:3

Naya Tatituw uca yapjja uñjascta, umampisa karpascaracta. Uruy arumaw uñjta, jan cunas camachañapataqui.

Isaías 27:8

Diosajj marcaparojj jaya marcar apayasaw mutuyi, may phust'asaquiraquiwa apanucu, cunjämtejj thayajj inti jalsu toket phust'anejj uqhama.

Jeremías 49:36

Pusi toketpachwa aca marcataquejj thaya thayt'ayanï, uqhamat take tokeru ananucuñataqui, jan marcanacajj juc'ampi utjcjjañapcama, cawqharutejj imantasiñ muniri jakenacajj purinipcaspa uca.

Ezequiel 37:9

Ucatsti Tatitojj saraquituwa: “Nayan sutejjaru jacañ samanaru parlam; aqham saraquim: ‘Aqham siw Tatitojja: Jutam, jacañ samana, pusi toketpach sarthapinipjjam, aca jiwatanacaru jacañ churaraquim’ ” sasa.

Ezequiel 7:2

“Naya Tatituw Israel marcaru sista: Tucuyajj purinjjewa, aca oraken tucusiñapajj purinjjewa.

Daniel (hebreo) 11:4

Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 8:8

“Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Jonás 1:4

Ucatsti, Tatitojj mä wali jach'a ch'aman thaya sartayäna, uca jach'a kotansti thayajja barcorojj k'ala t'unjirpachänwa.

Zacarías 6:1

Yakha unañchäwimp uñjta. Uñjtwa pusi guerra carronac pä bronce kollunac taypit uñstasinquiri.

Zacarías 6:5

Angelasti saraquituwa: —Acanacajja pusi thayanacawa, ucasti mistuniwa take acapachan Tatitupan nayrakatapata.

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Marcos 13:27

Jupasti angelanacaparuw qhitanini, ajllitanacapar take toket anthapiyasa, acapach thiyatpacha, alajjpach thiycama.

Apocalipsis 20:8

Ucatsti take marcanacar sallkjiriraquiw mistuni, Gog uqhamarac Magog satäquis ucanacarusa. Ucatsti ucanacan ejercitonacaparuraquiw nuwasiñataqui tantthapini, ucanacasti kota irana ch'alljama waljanipjjaraquïnwa.

Apocalipsis 6:6

Uca pusi jacasquirinac taypitsti mä aru ist'aracta aqham siri: “Mä kilo trigoquiw churasini mä denario kollketjja, quimsa kilo cebadaquiraquiw churasini mä denario kollketjja; janiraqui ina ch'usaru wartamti aceitsa ni vinsa.”

Apocalipsis 7:3

aqham sasa: “¡Jan cuna ñankhsa lurapjjamti aca orakeru, ni kotarusa, ni kokanacarusa, janïr Tatit Diosan sirvirinacaparu paranacapat sellonacampi chimpt'casina!” sasa.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.

Apocalipsis 9:14

Uca arusti trompeta apt'atäcän uca sojjtïr angelarojj sänwa: “Antutnucjjam jach'a Eufrates jawiran chinutäquis uca pusi angelanacaru” sasa.

Apocalipsis 9:4

Uca t'ijut'ijunacasti janiraquiw cuna ch'ojjñanacarusa, ni kokanacarusa jan wali lurapjjañapäcänti, jan ucasti qhitinacatï Tatitun sellopampi paranacapan jan chimpt'atäpqui uca jakenacar t'akhesiyañataqui qhitanitäpjjänwa.