Apocalipsis 5:8

Aymar Bibliia 1986

Libro apakcäna ucqhasti uca pusi jacasquirinacasa, uqhamarac uca pä tunca pusini jilïrinacasa uca Cordero nayrakataruw quillt'asipjjäna. Sapa mayni jilïrinacasti mä arpa apt'atäpjjänwa, uqhamarac mä kori copa ast'atcama. Uca kori copanacasti incienson phokhantatänwa, uca inciensosti Diosan wawanacapan oracionanacapänwa.

Jak'a apnaqawi uñst'ayäwi

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Salmos 150:3

Trompet phust'añanacamp jach'añchapjjam, arpanacamp, salterionacamp jach'ar aptapjjam,

Salmos 33:2

Tatiturojj arpamp chic yuspagarapjjam, sutipar k'ochupjjaraquim;

Salmos 43:4

Diosay, nayajj altaramaruw jac'achasï, arpamp chicaw yuspagaräma. Diosajjay, jumaw jacañajjarojj cusisiytajja.

Salmos 81:2

chhulluchhullunacamp chic k'ochupjjam, muncay arpampi, salteriomp chic k'ochupjjaraquim.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Hebreos 1:6

Ucampis yakhawjanjja, sapa munat Yokapa acapachar uñstayasajj saraquiwa: “Diosan take angelanacapajj juparojj yupaychapjjpan” sasa.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 15:2

Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 19:4

Ucatsti uca pä tunca pusini jilïrinacajja, uqhamarac uca pusi jacasquirinacasa oraker alt'asinwa tronon kont'atäcäns uca Diosaru yupaychapjjäna, aqham sasa: “¡Uqhamäpan! ¡Aleluya!”

Apocalipsis 4:10

uca pä tunca pusini jilïrinacajj jupa nayrakataruw quillt'asipjjäna, ucat yupaychapjjaraquïna qhititejj wiñayan wiñayapataqui jacasqui ucaru. Coronanacapsti jupa nayrakataruw asakasipjjäna, sapjjaraquïnwa:

Apocalipsis 4:4

Uca trono muyuntatasti yakha trononacaw utjaraquïna, ucanacasti pä tunca pusinïnwa. Uca trononacansti pä tunca pusini ancianonacaw jank'ot ist'ata uqhamarac kori coronanacan asjjatata kont'atäsipcaraquïna.

Apocalipsis 4:6

Uca trono nayrakatansti mä suma ch'uwa kotar uñtataw utjaraquïna, mä vidrior uñtatjama. Uca trono taypinsti uqhamarac uca muytatasa, pusi jacasquirinacaw utjaraquïna, ucanacasti nayräjjarusa khepäjjarusa walja nayranacanïpjjänwa.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 5:11

Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa.

Apocalipsis 5:12

Wali jach'ataracwa art'apjjäna, aqham sasa: “¡Cawquïri Corderotejj jiwayatäcäna ucajja, asquiwa munañanïñataqui, kamir cancaña, yatiñ cancaña, ch'amanïña, wali aytatäña, jach'achatäña, yupaychatäña catokañataquisa” sasa.

Apocalipsis 5:14

Uca pusi jacasquirinacasti sapjjaraquïnwa: “Uqhamapunïpan” sasa. Uca pä tunca pusini chuyman jakenacasti quillt'asisinwa yupaychapjjaraquïna, qhititejj wiñayan wiñayapataqui jacqui ucaru.

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Apocalipsis 6:1

Ucatsti uñjaractwa Corderorojja uca pakallko sellonacatjja nayrirïqui uca ch'iyjiri. Uca pusi jacasquirinacatsti ist'aractwa maynïriru wali jach'ata art'iri mä khejjokhejjor uñtata: “¡Jutam, uñjaraquim!” sasa.