Apocalipsis 5:1

Aymar Bibliia 1986

Qhititejj tronon kont'atäcän ucan cupi amparapansti mä rollor uñtata libro uñjaracta, patatsa mankhatsa kellksuta, uqhamarac pakallko sellonacampi jist'antata.

Jak'a apnaqawi uñst'ayäwi

Isaías 29:11

Take unañchäwinacasti jumanacataquejj mä kellkäcaspas uqhamaw tucu, mä papel llawthapitjama, jan ucajj jist'antatjamasa, maynitejj mä leeñ yatiriru churaspajja, ucatsti saraquispa: “Ac leet'am” sasa; jupasti saraquiniwa: “Janiw leet'quiristti, jist'antätatap laycu” sasa.

Isaías 34:16

Tatitun leyip uñjjatapjjam leet'apjjaraquim: janipuniw mayas uca animalanacatjja chhakatäcaniti, orkon kachuniw ucancapjjani, Tatitu quipcaw uqhamjja amti, samanapampi phust'asaquiraquiw tantachthapini.

Isaías 8:16

“Aca arunacsti sum imapjjam; jan uñjañäwjaru aca yatichäwinacajja ejjwanacajja imjjäsipjjam.

Daniel (hebreo) 8:26

“Jayp'u, uqhamaraqui alwa unañchäwi uñjatamasti niya khanañchatäjjtamwa, ucasti chekawa; ucampisa jumajj ucanacjja chuymamaruqui imaraquim, ucasti walja urunaca pasatatwa phokhasjjaraquini” sasa.

Zacarías 5:1

Yakha unañchäwimp uñjaracta. Uñjtwa mä rollor kellkata alton tuyusquiri.

Apocalipsis 10:2

Amparaparusti mä jisc'a libro apt'ataraquïnwa. Cupi cayupsti jach'a kotjjaruw tact'asi, ch'eka cayupsti orakjjaruraqui.

Apocalipsis 4:3

Uca tronon kont'atäcän ucasti c'ajquir jaspe jan ucajj cornalina kalar uñtataraquïnwa. Tronoparusti mä cürmiraquiw muyuntäna, ucasti esmeralda kalar uñtataraquiw c'ajäna.

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Apocalipsis 5:13

Ucatsti ist'aractwa cuntejj Diosajj utjayqui ucanacaru. Take cunatejj alajjpachancqui, acapachancqui, orak mankhancqui, lamar kotancqui ucanacasti aqham sapjjaraquïnwa: “¡Yupaychañasa, jach'añchäwisa, jach'a cancañasa, munañanïñasa, qhititejj tronon kont'atäqui ucar churatäpan, uqhamarac Corderorusa wiñayan wiñayapataqui!” sasa.

Apocalipsis 5:7

Uca Corderosti sartasinwa tronon kont'atäcän ucan cupi amparapatjja uca libro apake.

Apocalipsis 6:1

Ucatsti uñjaractwa Corderorojja uca pakallko sellonacatjja nayrirïqui uca ch'iyjiri. Uca pusi jacasquirinacatsti ist'aractwa maynïriru wali jach'ata art'iri mä khejjokhejjor uñtata: “¡Jutam, uñjaraquim!” sasa.

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.

Apocalipsis 8:1

Cunapachatejj Corderojj libron pakallköri sello sellt'atäcän uca ch'iyjcän ucqhajja, alajjpachanjja take cunaw amuct'äna mä quimsa tunca minutonacjama.