Apocalipsis 4:9

Aymar Bibliia 1986

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Jak'a apnaqawi uñst'ayäwi

Salmos 47:8

Diosajj marcanacaruw apnake, ¡Diosajj kollan konuñapjjan kont'atäsquiwa!

Salmos 48:14

“Acapï Tatit Diosasajja” sasa. Jupaw wiñay irpirisajja.

Éxodo 15:18

Tatituw apnakani wiñayan wiñayapataqui.”

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Daniel (hebreo) 12:7

Lino isimpi isthapitäcän uca jakesti, alajjpacharuw amparap lokti ucatsti jacquiri Diosan sutipjjaruw juramentompi arsuraqui aqham sasa: —Quimsa pacha chicatani, cunapachatejj Diosan marcapajj jan juc'ampi t'akhesiyatäjjani, ucapachaw take acanacajj tucusjjani —sasa.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Deuteronomio 32:40

Amparajja alajjpacharu lokatatta, nayan wiñayataquïtajj laycuw juramento luraraquï.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Hebreos 7:8

Jiwasanac taypinjja jiwir jakenacaw diezmjja catokapjje, ucampis Kellkatanjj khanañchiwa Melquisedec sacerdotejj jacascaspas uqhama.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Apocalipsis 10:6

Ucatsti mä juramento luraraquïna, qhititejj wiñayataqui jacqui, qhitiraquitï alajjpachsa, acapachsa, kotsa, take cunsa lurqui ucan sutipjjaru: “Janiw jichhajj juc'ampi suyascjjaniti.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 21:5

Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Apocalipsis 4:2

Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 5:1

Qhititejj tronon kont'atäcän ucan cupi amparapansti mä rollor uñtata libro uñjaracta, patatsa mankhatsa kellksuta, uqhamarac pakallko sellonacampi jist'antata.

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.