Apocalipsis 4:2

Aymar Bibliia 1986

Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.

Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: “Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Salmos 11:4

Ucampis Tatitojj kollan templopanquiwa, khapak konuñapajj alajjpachanquiwa: nayranacapajj uñch'uquisquiwa, jakenacan luratanacap wali amuyump uñjasqui.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Jeremías 17:12

Jiwasan templosajja mä suma tronowa, kalltatpacha wali jach'aru aptata.

Ezequiel 1:26

Uca patansti, mä konuña uñjaracta safiror uñtata, uca konuña patansti mayniw kont'atäscaraquïna mä jaker uñtata.

Ezequiel 1:28

uca khanasti cürmir uñtataraquïnwa, cunapachatejj cürmejj jalluna kenay taypin uñstquis uqhama. Uqhamwa nayajj uñjta Tatitun c'ajquir cancañapjja. Ucanac uñjasasti nayajj oraker puriñcamaw p'ekejj alt'asiracta.

Ezequiel 10:1

Ucatsti uñjaractwa: Chhekan angelanacan p'ekenacapat alay alajjpachanjja mä konuñaw uñstäna safiro sisqui uca kalaru uñtasita.

Daniel (hebreo) 7:9

“Nayasti uñch'uquiscaquïyätwa, ucjjarusti mä trononacaw uchataraquïna, mä Jilïri chuymani jakew kont'asiraquïna, isipajj qhunjam jank'oraquïnwa, ñic'utanacapasti t'ajjsit t'awrjamaraqui. Konuñapasa, uca konuñapan ruedanacapasa ninacamaquiraquïnwa.

Mateo 22:43

Ucapachaw Jesusajj jupanacarojj saraquïna: —¿Cunats Davidajj Kollan Ajayun amuyt'ayatajj “Tatitu” sänjja? Davidajj aqham sänwa:

Hebreos 8:1

Sisctan ucanacat juc'amp jach'ajja, jiwasan jilïri sacerdotesajj uqhamapuniwa. Jupasti alajjpachanjja Diosan tronopan cupëjjaparuw kont'asi.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa:

Apocalipsis 12:5

Uca warmisti mä yokall wawa wawachasïna. Uca wawasti acapach orake apnakani, takpach marcanacaru wali khoru cancañampiw apnakani. Wawapasti ucspachaw apakatäjjäna, Diosan tronoparu uqhamarac quipca Dios nayräjjaruw apatäjjäna.

Apocalipsis 17:3

Cuna unañchäwtï Ajayojj uñacht'ayquitu uca tokjja, angelajj wasararuw irpjjetu. Ucansti mä warmi uñjta mä jach'a wila ajjsarcañ animaljjaru lat'jjatata. Uca ajjsarcañ animalasti Dios contra sutinacampi kellksutänwa, pakallko p'ekeniraquïnwa, tunca wajjran cuna.

Apocalipsis 19:4

Ucatsti uca pä tunca pusini jilïrinacajja, uqhamarac uca pusi jacasquirinacasa oraker alt'asinwa tronon kont'atäcäns uca Diosaru yupaychapjjäna, aqham sasa: “¡Uqhamäpan! ¡Aleluya!”

Apocalipsis 20:11

Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Apocalipsis 21:10

Uca unañchäwinsti cuntejj Ajayojj uñjayquitu ucansti, angelajj mä jach'a kollur irpsusinwa uñacht'ayitu Diosan nayrakatapata sarakasinquiri machak Jerusalenaru.

Apocalipsis 21:5

Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.

Apocalipsis 4:10

uca pä tunca pusini jilïrinacajj jupa nayrakataruw quillt'asipjjäna, ucat yupaychapjjaraquïna qhititejj wiñayan wiñayapataqui jacasqui ucaru. Coronanacapsti jupa nayrakataruw asakasipjjäna, sapjjaraquïnwa:

Apocalipsis 4:5

Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Apocalipsis 5:1

Qhititejj tronon kont'atäcän ucan cupi amparapansti mä rollor uñtata libro uñjaracta, patatsa mankhatsa kellksuta, uqhamarac pakallko sellonacampi jist'antata.

Apocalipsis 5:13

Ucatsti ist'aractwa cuntejj Diosajj utjayqui ucanacaru. Take cunatejj alajjpachancqui, acapachancqui, orak mankhancqui, lamar kotancqui ucanacasti aqham sapjjaraquïnwa: “¡Yupaychañasa, jach'añchäwisa, jach'a cancañasa, munañanïñasa, qhititejj tronon kont'atäqui ucar churatäpan, uqhamarac Corderorusa wiñayan wiñayapataqui!” sasa.

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.