Apocalipsis 3:19

Aymar Bibliia 1986

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.

Jak'a apnaqawi uñst'ayäwi

2 Samuel 7:14

Nayaw jupan awquipayäjja, jupasti nayan wawajjaraquïniwa. Cunapachatejj cuna jan walsa lurani ucapachasti nayaw juparojj mutuyaraquï, jawk'antaraquïsa cunjämatejj mä awquejj wawapar jawk'antqui uqhama.

Job 5:17

“Cusisiñaniwa cawquïri jakerutejj Diosajj chekachqui ucajja. Take ch'amani Diosan chekachäwipjja jan jisc'achamti.

Salmos 39:11

Jumaw jakerojj juchapat mutuyasajj chekachtajja; thuthar uñtataw yänacap thuthanoktajja: jakejj mä samsump sasiquiwa.

Salmos 6:1

Tatay, janiquiy k'apisiñamamp tokentistati; janirac tipusiñamampis mutuyistati.

Salmos 69:9

Utamar munañaw nayar tucuntitu, jumar tokerinacan arunacapajj, nayjjarcamaw wact'i.

Salmos 94:10

Marcanacar chekachiristi, ¿janit mutuycanisti? Jaker yatichiristi, ¿janit yatcanisti?

Proverbios 15:10

Qhititejj suma thaquina sarnakaña apanucqui ucarojj khoru cancañampi chekachatawa; qhititejj chekachäwiru jisc'achqui ucasti jiwaniwa.

Proverbios 15:32

Yatichäwiru jisc'achirejj jupa pachpawa jan wal lurasisqui; chekachäwiru ist'iristi, amuyt'asiñwa jicjjati.

Proverbios 22:15

Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Jeremías 10:24

Cheka cancañamarjama asquichapjjeta, janiraqui colerasimti, jan ucasti t'unjapjjetasmawa.

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 31:18

Efraín marcan t'akhesitapjja ist'twa, jupanacasti sapjjewa: ‘Nayajj mä uri vaca kallur uñtatäyätwa, ucampis jumajj ajja tucuyista; juman ucaru cuttayanjjeta, jumätaw Tatitojjajja, Diosajjasa.

Jeremías 7:28

Saraquim: ‘Aca marcajj janiw Tatitu Diosaparojj jaysañ munquiti, janiraquiw chekachayasiñsa munquiti. Cheka chuymampi sarnakañasti jupanacatjja k'ala chhaktatäjjewa’ ” sasa.

Sofonías 3:2

“Janiw Diosan aruparojj ist'cänti, janiraquiw chekachäwi arunacsa ist'añ muncänti, janiraquiw Diosaparus confiascänti, janiraquiw juparus jac'achascaraquïnti.

Mateo 25:7

Takpachaniw ucanquir tawakonacajj sartanipjjäna, ucatsti lamparanacapsa waquicht'asipjjaraquïnwa.

Juan 2:17

Discipulonacapajj uc ist'asinjja amtapjjänwa Kellkatan aqham siri: “Utamar munañaw tucuntitu” —sasa.

Romanos 12:11

Ch'amañchasipjjam, janipun jayrasipjjamti, Tatiturusti take chuyma sirvipjjam.

1 Corintios 11:32

Ucampis cunapachatejj Tatitojj juchañchquistu ucqhajja, mutuyistuwa, jan jiwasajj acapachanquir jakenacampi chica juchañchatäñasataqui.

2 Corintios 6:9

Horasasti jan uñt'at jakenacarjamaraquiw uñjapjjetu, ucampis wali uñt'atäpjjtwa; horasajj jiwañar purirjamaraquiw uñjasipjjtjja, ucampis jacasipcaractwa; mutuyataw uñjasipjjta, ucampis janiw jiwayatäpcti.

2 Corintios 7:11

Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

Gálatas 4:18

Jichhajj waliwa mayninacat llaquiñajja, ucampis ucjja suma amuyumpipun lurapjjpan, janirac chhaktcpanti, ni nayajj jumanacampïcta ucqhaquisa utjcpanti.

Deuteronomio 8:5

Amuyasipjjamaya, cunjämsa mä awquejj wawaparojj ewjje uca quipcaw Tatitu Diosamajj jumanacaru ewjjapjjäyätam.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Apocalipsis 2:5

Jichhajj amuyt'asim cawqhattï liwisctas uca, ucatsti arrepientisim, cunjämtï kalltanjja sarnakcäyätas uqhamarac sarnakam. Janitejj arrepientisïtajj nayajj juma contraw sayt'ä, ucatsti candelabromjja apakaraquïmawa.