Apocalipsis 3:14

Aymar Bibliia 1986

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Jak'a apnaqawi uñst'ayäwi

Génesis 49:3

“Jumasti Rubén, jilïri yokall wawajjätawa, jumätawa ch'amajjasa, ch'amajjan nayrïr achupasa. Jumaw take cunansa nayrancäta, ch'amaniraquïyätawa.

Proverbios 14:5

Cheka testigojj janiw c'arisquiti, ucampis c'ari testigojja c'arinaca arsu.

Proverbios 8:22

“Tatituw nayarojj kalltatpacha utjayitu, janïra take cun lurañ kalltcäna ucqha.

Isaías 55:4

Nayaw juparojj marcanacataquejj testigot uscta, marcanacataquejja mä jilïri yatichiriraqui.

Isaías 65:16

Qhititejj aca marcan mä bendición mayiñ munanejja, chekpacha asqui Diosaruw mayiraquini; aca marcan mä juramento luriristi, cheka asqui Diosan sutipjjaruw luraraquini. Nayra t'akhesïwinacasti armatäjjewa, nayrakatajjatsti chhaktjjaraquiwa.

Jeremías 42:5

Uqhamasti jupanacajj Jeremiasarojj sapjjaraquïnwa: —Tatitu Diosamaw chekpacha testigöni nanacataqui janitejj nanacajj cuntejj jupajj siscätam uca arunacaru phokhapcä ucapachajja.

Juan 1:3

Jupa tokew Diosajj take cuns luri, jan jupampejj janiw cuna luratas utjquiti.

Juan 8:14

Ucjjarojj Jesusajj saraquïnwa: —Cuntejj arsctjja ucajj wali asquiwa, naya pachpatsay parlascä, arsutajjajj chekawa. Nayajj yattwa cawquit jutatajjsa, cawquïrutï sarcä ucsa; ucampis jumanacajj janiw yatipctati cawquit jutatajjsa ni cawquïrutï sarcä ucsa.

2 Corintios 1:20

Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.

Deuteronomio 21:17

Jan ucasti uca uñisit warmin wawaparuwa tayna wawapatjja uñt'asiñapa, ucatjja take yänacapatjja mä ucqhampi churañaparaquiwa; jupaw nayrïri ch'amapan jathapajja, tayna wawjamajja take cunsa chekapa catokerejja.

Colosenses 1:15

Jan uñjcay Diosajj uñjcañaw juti Yokap toke, uca Yokapasti take cunatejj utjqui ucatjja nayrïriwa.

Colosenses 1:18

Uqhamarus Cristojj uca cuerpon p'ekepawa, ucasti iglesiawa. Juparaquiw uca cuerporojj jacañ churi, jupajj jiwatanacat nayrakat jactiriwa, uqhamat jupajj take cunansa nayrancañapataqui.

Colosenses 2:1

Munaractwa yatipjjañama jumanacataqui wali ch'am tucutajjata, Laodiceanquirinacataqui, uqhamarac take qhitinacatejj jan uñt'apquitus ucanacataquisa.

Colosenses 4:16

Aca carta leet'jjasinsti, Laodiceanquir yakha iglesianacaru apayapjjaraquim, ucan leet'atäñapataquiraqui. Laodiceat purinir cartsti jumanacajj leet'apjjaraquim.

Apocalipsis 1:11

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

Apocalipsis 2:1

“Éfeso iglesiancquis uca angelar kellkasin apayam: “Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:13

Nayätwa kalltasa tucuyasa, nayrasa khepasa, A, Z letranacjama.”

Apocalipsis 22:6

Angelasti saraquituwa: “Aca arunacajj chekawa, catuyascañaraquiwa. Tatit Diosajj profetanacapar amuyt'ayqui ucajja mä angelwa qhiti, sirvirinacaparu uñacht'ayañataqui cunatejj mäqui lurascani ucanacata.”

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati: