Apocalipsis 22:4

Aymar Bibliia 1986

Ajanuy ajanuwa uñcatapjjani, paranacaparusti sutipwa apapjjaraquini.

Jak'a apnaqawi uñst'ayäwi

Job 33:26

Diosarusti mayisiraquiniwa, jupasti ist'araquiniwa; Diosarusti cusisitaw ajanuy ajanu uñcatani, jakenacataquisti Diosan qhuyapayasiñapatwa k'ochuraquini.

Salmos 17:15

Nayasti cusisitaw jicjjatasï; ajanuy ajanu jumar uñcatasina, uñatatcä ucapach nayrakataman jicjjatasisina.

Salmos 4:6

Waljaniw sapjje: “¿Qhitirac cusisiñ churistanisti?” sasa. ¡Tatay, qhuyapayasiñampiy uñtanipjjeta!

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Isaías 33:17

Wasitatwa reyirojj jach'a cancañapan uñjäta, marcan korpanacapasti jayacamaw puriraquini.

Isaías 35:2

lirio pankarjam pankarpan, cusisiñampisti phokt'asiracpan. Diosajj juparojj Líbano kollur uñtatwa wali suma tucuyani, wali suma achuri orakeraqui Carmelo jan ucajj Sarón sisqui uca kollunacjama. Takeniw Tatitun c'ajquir jach'a cancañapa uñjapjjani, Diosan jach'a cancañapa.

Isaías 40:5

Ucapachaw Tatitojj c'ajquir cancañap uñacht'ayani, take jakenacaraquiw uñjapjjani. Pachpa Tatituw ucjja saraqui.”

Ezequiel 33:23

Tatitusti nayan ucaru jutasinjja, saraquituwa:

Mateo 5:8

“Cusisiñanïpjjew k'oma chuymaninacajja, jupanacaraquiw Diosarojj uñjapjjani.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

1 Corintios 13:12

Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

Hebreos 12:14

Takenimpis suman sarnakasiñ thakapjjam, k'oma jacañan sarnakasa, jan ucampisti janiw qhitis Tatitur uñcatcaspati.

Apocalipsis 14:1

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 7:3

aqham sasa: “¡Jan cuna ñankhsa lurapjjamti aca orakeru, ni kotarusa, ni kokanacarusa, janïr Tatit Diosan sirvirinacaparu paranacapat sellonacampi chimpt'casina!” sasa.