Apocalipsis 22:2

Aymar Bibliia 1986

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.

Jak'a apnaqawi uñst'ayäwi

Génesis 2:9

Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Salmos 147:3

Jupaw chuyma usuchjatanacarojj waliptayi, chhojjrinacap c'umaracharaqui.

Proverbios 3:18

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Isaías 6:10

Aca marcan amuyupsti chhaktayam, jinchunacapsti llupt'araquim, nayranacapsa ch'okantam, jan uñjapjjañapataqui ni ist'apjjañapataquisa, ni amuyt'apjjañapataquisa, uqhamat jan nayaru cuttanipjjañapataqui, nayas janiraquiw jupanacarojj kollcäti” sasa.

Jeremías 17:14

Tata, jumaquiy kolljjatt'ita, ucatsti kollatäyäwa; jumay khespiyita, ucatsti khespitaw uñjasï, juma saparuquiw yupaycharacsma.

Ezequiel 47:1

Uca jakesti uca khepatjja templo mantañawjaruw irpanjjaraquitu. Ucat ucan uñjaracta puncu mankhatjja uma jalsusinquiri, uca umasti inti jalsu tokeruw jalascaraquïna, cawcsarutejj templojj uñtatäcän ucsaru. Uca umasti templon cupëjjapwa jalacascaraquïna, altarat aynacha tokeru.

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Zacarías 14:8

Ucasti Jerusalenatjja misturaquiniwa suma k'oma uma, ucasti jalascaquiniwa juyphipachasa junt'upachasa, chicata umasti jalaraquiniwa Mar Muerto kotacama, mä chicatasti jalaraquiniwa Mediterráneo jach'a kotaru.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.”

Apocalipsis 21:21

Tunca payani puncusti perlat luratänwa. Sapa puncuwa mä perlänjja. Uca marcan jach'a callepasti koricamaquiraquïnwa, mä suma khanquiri vidrior uñtata.

Apocalipsis 21:24

Khespiyat marcanacasti uca marcan khanapanwa sarnakapjjani, acapach reyinacasti ucaruraquiw jach'a munañanïñanacapa apanipjjani.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Apocalipsis 22:19

Qhititejj apakani aca libron kellkatäquis uca Diosan arunacapatjja, Diosajj juparojj jacañ librot apsuraquiniwa, uqhamarac marcapatsa. Ucanacasti aca libron kellkatawa.