Apocalipsis 22:11

Aymar Bibliia 1986

Uccañcamasti jan wali jakejja jan walinac lurascacpan, k'añusa k'añunac lurascacpan, ucampis Dios chuyma jakejj asquinac lurascacpan, take chuyma arcascacpan” sasa.

Jak'a apnaqawi uñst'ayäwi

Job 17:9

Jupanacajj asquitwa uñt'asipjje, jan cuna jucha luririw tucupjjaraqui.

Salmos 81:12

Ucat munañaparjam sarnakayta, munataparjamaw sarnakapjjaraquïna.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Proverbios 4:18

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Eclesiastés 11:3

Kenayanacatejj wali mistuni ucqhajja, jalluw oraker purintani. Mä kokajja amstarusa jan ucajja aynacharusa liwisiscpan, cawqharutejj liwnoktqui ucqhancapuniniwa.

Ezequiel 3:27

Ucampisa nayatejj jumaru mä cunsa sañ munäma ucqhajja, amutütamatjja parlayjjaraquïmawa, ucat naya toket parlaraquïta: ‘Naya Tatituw ucjja arsta’ ucatsti qhititejj ist'añ muncani ucasti ist'aniwa, ucampisa cawquïritejj jan ist'añ muncani ucasti janiw ist'caraquiniti, naya toke sayt'asiri jakenacäpjjatapata.

Daniel (hebreo) 12:10

Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Mateo 21:19

Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Mateo 25:10

Jupanacan alir sarapjjañapcamasti casarasirejj purinjjänwa. Waquicht'asitäcän uca pheska tawakonacasti casarasïwirojj mantjjapjjänwa, ucatsti puncojj jist'antasjjaraquïnwa.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Mateo 5:6

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Juan 8:21

Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Efesios 5:27

jupan nayrakatapar jach'añchat iglesia irpcatañataqui, jan k'añuchata, jan cuna phullch'uni, jan cunamp camacht'ata, jan ucasti suma k'oma Diosatac yakhachata.

Colosenses 1:22

Cristojj janchipan jiwatap toke. Acsti jumanacar jupa nayräjjar uñstayañataquiw luri, jan cuna k'añuni ni cuna juchansa.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Judas 1:24

Mä sapa Dios, jiwasan Khespiyirisaraqui, jupajj ch'amaniw jumanacar imañataquejja jan tincupjjañamataqui, ucatsti jan k'añuni cusisiñan phokt'ata jupan c'ajquir nayrakatapan uñstapjjañamataqui.

Apocalipsis 16:21

Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Apocalipsis 22:3

Janiw ucanjja qhitis ñankhachatäcjjaniti. Diosampina Corderompina tronopaquiw uca marcancani, sirvirinacapasti ucanwa yupaychapjjaraquini.