Apocalipsis 21:9

Aymar Bibliia 1986

Ucatsti mä angelaw juti, uca angelasti pakallko angelat maynïriwa qhitinacatï khepïri pakallko t'akhesïwi copanaca ast'atäpcänsa ucanacata. Uca angelasti saraquituwa: “Jutam, uñacht'ayämawa cawquïritejj Corderon esposapäcani uca” sasa.

Jak'a apnaqawi uñst'ayäwi

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 19:7

Cusisipjjañäni, c'uchirt'asipjjaraquiñäni, jach'achapjjaraquiñäni Diosaru. Corderon casarasiñapasti purinjjewa. Esposapasti waquicht'ataraquiwa.

Apocalipsis 21:17

Ucatsti perkracwa tupt'äna, uca perkasti sojjta tunca pusini metroraquïnwa, acapach tupurjamaraquiw angelajj tupt'ascänjja.

Apocalipsis 21:2

Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

Apocalipsis 22:6

Angelasti saraquituwa: “Aca arunacajj chekawa, catuyascañaraquiwa. Tatit Diosajj profetanacapar amuyt'ayqui ucajja mä angelwa qhiti, sirvirinacaparu uñacht'ayañataqui cunatejj mäqui lurascani ucanacata.”