Apocalipsis 20:3

Aymar Bibliia 1986

Ucatsti mankhapacha ch'amacaruw jakontäna, jist'antaraquïna. Mä sellompiw selljjatawayaraquïna, uqhamata jan marcanacaru sallkjascañapataqui warank mara phokhasiñapcama. Warank mara pasatatsti mä juc'a tiempotaqui antutataraquïniwa.

Jak'a apnaqawi uñst'ayäwi

Salmos 90:4

Jumataquejj warank marajja, wasür tucusir urur uñtataquiwa, arum ch'amacajj tucusqui uqhämaquiwa.

Daniel (hebreo) 6:17

Cunapachatejj Daniel chachajj leonanacan putuparu jakontatäjjän ucapachasti mä jach'a kala nuctanipjjäna, ucat uca kaljja leonanacan putupjjaruw atjjatapjjäna, ucatsti reyejj jach'a reyin sellopampiw sellt'araquïna, uqhamaraqui jach'a jilïri jakenacan sellopampi sellt'asaraqui, uqhamata cunatejj leyejj Daniel toket siscäna ucajj phokhatäñapataqui.

Mateo 24:24

Ucürunacanjja walja sallkjirinacaw jutani: “Cristötwa” sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 27:66

Jupanacajj sarasinjja uqhamwa lurapjjäna. Mä sellompiraquiw uca jach'a kaljjarojj sellt'apjjäna. Soldadonacarusti uñjapjjañapataquiw jaytanipjjaraquïna.

Marcos 4:15

Yakhep jakenacajj thaquir purquis uca jathanacar uñtatawa. Diosan arunacap ist'apquis ucspachaw supayajj jutasin chuymanacapat uca arunacjja k'al chhaktayi.

Lucas 8:31

Uca ñankha ajayunacasti Jesusarojj mayipjjänwa jan mankhapachar qhitañapataqui.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

2 Pedro 3:8

Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 17:2

Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.

Apocalipsis 20:1

Ucatsti uñjaractwa alajjpachat mä angelaru sarakasinquiri mankhapacha ch'amacan llavepas apt'ata, uqhamarac mä jach'a cadena ekt'ata.