Apocalipsis 2:3

Aymar Bibliia 1986

Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.

Jak'a apnaqawi uñst'ayäwi

Salmos 37:7

Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Salmos 69:7

Juma laycuw jisc'achat uñjasta, ajanojjas p'enkamp chhaktatawa.

Miqueas 7:9

Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.

Marcos 15:21

Uca horasasti Cirenenquir Simonaw pampat jutascäna, jupasti Alejandrompin Rufompin awquipänwa. Uca chek pasasquipanwa juparojj Jesusan crusapa k'epiyapjjäna.

Lucas 14:27

Maynitejj jupa quicpat jan armt'asis sapüru arcañ munchitojja, uqhamaraqui jacañaps jan apt'asirjamäcchi ucajja, janiw nayatacjamäcaspati.

Lucas 18:1

Jesusasti mä uñtasïwi tokew yatichäna, jan mayjt'asis oración lurañataqui.

Lucas 21:19

Jumanacatejj ch'aman sayt'apjjätajja, wiñay jacañ catokapjjäta.

Lucas 5:5

Simonasti ucjjaruw Jesusar säna: —Yatichiri, arum pakariw irnakapjjta “chawlla catsuñäni” sasa, ucatsti janiraquiw cuns catupcti. Ucampis juman arsutamaruw kän jakontä —sasa.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Juan 15:21

Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Romanos 12:12

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Romanos 16:12

Aruntapjjaraquim Trifena, Trifosa uca cullacanacarusa, jupanacajj Tatitutaquiw irnakapjje, uqhamaraqui Pérsida munat cullacajjarus aruntapjjam, jupajj Tatitutaquejj wal irnakaraquïna.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Romanos 8:25

Ucampis cuntejj suyapctan ucjja janiw uñjctanti, ucampis llamp'u chuymampiw suyt'apjjañasa.

1 Corintios 13:7

Take cun t'akhesi, take cun iyawsi, take cun llamp'u chuymampi suyt'araqui.

1 Corintios 16:16

Muntpï jilatanaca, jumanacajj uqham uca casta yanapt'asiri uqhamarac irnakeri jilatanacarojj ist'apjjañama.

2 Corintios 10:15

Janiraquiw mayninacan luratanacapatsa jach'a jach'a tucuñ munapcti nanacan luratanacajjäcaspas uqhama. Antisasa nanacajj suyt'asipctwa jumanacajj juc'ampi iyawsañanacamanjja jiltapjjañama, ucampis cawqhacamatejj waquisqui ucqhacamaquiraqui.

2 Corintios 11:23

¿Criston sirvirinacapäpjjeti? Nayajj jupanacatsa juc'ampïtwa. Acanac parlasajj inas mä lokhe jakjama parlsta. Jupanacat sipansa juc'ampwa irnaktjja, uqhamarac jupanacat sipansa juc'ampi jawk'jataw uñjastjja. Walja cutiw carcelar llaventapjjetu, walja cutiraquiw jiwañatsa khesptjja.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

2 Corintios 4:16

Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.

2 Corintios 5:9

Ucataracwa Diosataquejj sum sarnakañ muntanjja, janchisan jaccasinsa jan ucajj jiwjjasinsa.

2 Corintios 6:5

Jawk'jasinwa carcelar uscuntapjjetu; jakenacan nanac contra ojjotanacapsa, uqhamaraqui wali ch'ama tucuñanacsa pasanipjjaractwa; jan iquini, jan mank'ataraquiw sarnakapjjta.

Gálatas 6:2

Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Gálatas 6:9

Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Filipenses 2:16

jacañ arunac jupanacaru yatiyasa. Uqhamata cunapachatejj Cristojj jutcani ucqhajj, jumanacat uqham ist'asinjja cusisiñajjataqui, jan inamay jalatajja, inamaya ch'am tucutajjsa yatisina.

Filipenses 4:3

Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Colosenses 1:11

Mayipjjaractwa jupa quipca jumanacarojj alajjpach ch'amapampi, ch'amani tucuyañapataqui, uqhamata take cunsa llamp'u chuymampi cusisiñampiraqui lurapjjañamataqui,

1 Tesalonicenses 1:3

Dios Awquisan nayrakatapanjja jumanacatjja amtapjjtwa kawkha iyawsañampis irnakapjjta, kawkha munasiñampis sirvipjjta, uqhamarac Tatit Jesucristosar suyt'añanjja ch'amamp sayt'apjjatama.

1 Tesalonicenses 2:9

Jilatanaca, ¿amtasipjjtati cunjämsa irnakapjjäyäta, uqhamarac t'akhesipjjäyäta jacañataqui ucjja? Uruy aruma irnakapjjäyäta jumanacatac jan cuna llaquïscañataqui cunapachatejj jumanacar Diosan arunacap churapcäyäsma ucqhajja.

1 Tesalonicenses 5:12

Jilatanaca, achict'apjjsmawa, jumanac taypina irnakapqui, sarayapcaraqui, uqhamarac Tatitun sutipar ewjjapqui ucanacarojj ist'apjjam.

2 Tesalonicenses 3:13

Jilatanaca, asqui lurañanjja jan karjtasipjjamti.

2 Tesalonicenses 3:5

Tatitojj jumanacar yanappan munasiñana cunjämtejj Diosajj munasiñapampi t'akhesiñanacasansa Cristo toke ch'amañchistu uqhama.

2 Tesalonicenses 3:8

Janiraquiw qhitin mank'apsa inaqui mank'apcti, jan ucasti uruy arumaw irnakapjjta, jan jumanacataqui mä llaquïscañapataqui.

1 Timoteo 4:10

Ucataquiraquiw irnaktan, uqhamarac toketas t'akhesiwaytan, jacquiri Diosaru suyt'äwis uscutas laycu, cawquïritejj takenin Khespiyiripäqui, juc'ampis qhitinacatejj jupar iyawsapjje ucanacana.

1 Timoteo 5:17

Iglesia sum apnakqui uca jilïrinacajj suma uñjatäñapawa, qhitinacatejj Diosan arunacap parlapqui, uqhamarac yatichapqui ucanacajj yämasa juc'ampi suma uñjatäñapawa.

Hebreos 10:36

Jumanacajj llamp'u chuymanïñanacamawa, Diosan munañapa lurañataquejja, ucat cuntejj arsuwaycän uc catokañataqui.

Hebreos 12:1

Ucatwa jiwasanacajj walja iyawsañani jakenacampi muyuntatätan, cunatejj jarc'quistu ucjja maysaru apanucuñäni, uqhamarac jiwasar apnakquistu uca juchsa, ucatsti ch'amañchasisa jalañäni cunatejj nayrakatar jalañasäqui ucanjja.

Hebreos 13:13

Sarapjjañäniy campamentot ankäjjaru Jesusjama jan qhitins yäkata cunjämtejj Jupajj t'akhesiwaycän uqhama.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

Hebreos 6:12

Janiw jayra tucupjjañama munapcti, jan ucasti yatekasipjjam qhitinacatejj iyawsäw toke, jan karjasisa take cunatejj Diosajj: “Churämaw” sisqui uca herencia catokapqui ucanacata.

Hebreos 6:15

Abrahamajj llamp'u chuymampiw suyt'äna, ucatsti uqhamapuniw Diosan arsutaparjamajj catokäna.

2 Pedro 1:6

amuyt'asiñarusti, jumanacpach suma sarnakañampi; jumanacpach suma sarnakañarusti, llamp'u chuymampi; llamp'u chuymanïñjjarusti, Diosar munañampi;

Apocalipsis 1:9

Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.