Apocalipsis 2:17

Aymar Bibliia 1986

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucanacarusti maná sat imantat t'ant'atwa mank'ayäjja; ucatsti mä jank'o kala churaraquëjja. Uca kalansti mä machak sutiw kellkt'ata, uca sutsti janiw qhitis yatquiti jan ucasti qhititejj catokqui ucaquiw yati.”

Jak'a apnaqawi uñst'ayäwi

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Salmos 36:8

utaman utjir mank'ampejj sist'atäpjjewa, mojjsa uman jawirat umayaractajja:

Éxodo 16:33

Ucat Moisesasti, Aaronarojj saraquïnwa: —Mä phuqhurusti pä litro maná t'ant'a uchasin apam Tatitun nayrakataparu, uqhamata imatäñapataqui jumanacan wawanacaman wawanacapataqui.

Proverbios 14:10

Chuymawa jupan pachpa llaquisitapjja yatisi; cusisiñapsa janiraquiw jan uñt'atanacarojj yatiyquiti.

Proverbios 3:32

Tatitusti jan wali luririnacarojj janiw munquiti, ucampis jupajj asqui jakenacampiwa parlasi.

Isaías 56:4

Tatitusti siwa: “Eunuco jakenacatejj nayan samarañ urojja imapjjanejja, munañajjsa phokhapjjaraquinejja, arust'äwinacajjansti sum sayt'asipjjaraquinejja,

Isaías 56:5

nayaw jupanacarojj wawanacat sipansa juc'ampi sumanac churäjja, jupanacan sutinacapasti wiñayataqui kellkatäniwa, nayan templojjana, perkanacajj taypinsa; wiñay suti juparojj churaraquëjja, janipuniw cunapachas uca sutejj chhaktayatäcaniti.

Isaías 62:2

Marcanacajj khespiyasiñamwa uñjapjjani, take reyinacaraquiw c'ajquir cancañamjja uñjapjjani. Ucapachaw jumataquejj mä machak sutejj utjani, pachpa Tatituw uca sutjja churaraquïtam.

Isaías 65:13

Ucatpï Tatitojj sejja: “Sirvirinacajjajj mank'añanïsipcaniwa, ucampis jumanacajj mank'at awtjatäpjjatawa; jupanacataquejj umañajj utjascaniwa, ucampis jumanacajj umat pharjataw sarnakapjjäta; jupanacajj cusisitäpjjaniwa, ucampis jumanacajj mä p'enka jisc'achjataw uñjasipjjäta;

Isaías 65:15

Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Marcos 7:16

[Jumanacatejj ist'añ munapjjstajja, ist'apjjam.]

Juan 4:32

Jesusasti sänwa: —Nayan mank'añajjajj utjiwa, jumanacajj janiw ucjja yatipctati —sasa.

1 Corintios 2:14

Qhititejj jan Dios chuymäqui ucajj janiw catokañ munquiti Diosan Ajayupan yänacapjja. Jupataquisti Diosan yänacapajj lokhe cancañäcaspas uqhamawa. Janiw amuyt'apquiti ucanacajj ajayu tokena amuyt'añätap laycu.

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

Apocalipsis 14:3

Ucatsti mä machak k'ochu k'ochupjjäna Tatitun tronop nayräjjana, uqhamarac uca pusi jacasquirinacan nayrakatapansa, uca pä tunca pusini jilïrinacan nayrakatapansa. Janiraquiw qhitis uca k'ochjja yatekañataqui ch'amanïcänti, jan ucasti patac pusi tunca pusini waranca, qhitinacatejj aca orake jakenac taypita khespiyatäcataynajj ucanacaquiw yatekapjjäna.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.”

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.”

Apocalipsis 3:22

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!”

Apocalipsis 3:6

¡Qhititejj ist'añ munqui ucajj ist'pan cuntejj Kollan Ajayojj iglesianacaru sisqui ucjja!”