Apocalipsis 19:12

Aymar Bibliia 1986

Nayranacapajj ninar uñtataw khanäna, p'ekeparusti walja coronanacampi asjjatataraquïnwa, ucatsti mä sutimpi kellkt'ataraquïnwa, uca sutsti jupa sapaquiraquiw yatïna.

Jak'a apnaqawi uñst'ayäwi

Génesis 32:29

—Jichhajj jumajj saraquita, ¿cunas sutimajja? —sasaw Jacobojj jisct'araquïna. Ucampisa uca jakejj saraquïnwa: —¿Cunataquis sutejj yatiñ munta? —sasa. Ucatsti uca jakejj ucqhanpachwa Jacoborojj bendisjjaraquïna.

Salmos 8:5

Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja;

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Proverbios 30:4

¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?

Cantar de los cantares 3:11

Sión marcanquir warminaca, ¡Salomón reyer uñjir mistunipjjam! Coronampi ucht'atawa, taycapajj lurcatayna casarasiñ urupataqui ucampi ucht'atawa, jacäwipan cusiscañ urupana.

Isaías 62:3

Tatitu Diosaman amparapansti, jumajj mä suma reyinacan coronapäyätawa.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa sasa.

Daniel (hebreo) 10:6

Janchipasti topacio sisqui ucar uñtataw khanaraquïna, ajanupasti mä llijullijur uñtataw khantaraquïna, nayranacapasti akquir ninjamaraquïnwa, amparanacapasa, cayunacapasa broncer uñtataw khanaraquïna, parlatapasti walja jakenacan parlatanacapjamaraquïnwa.

Zacarías 9:16

Qhä urunwa, Tatitu Diosamajj khespiyani marcaparojj mä ovej tamjama, jupanquirinacasti c'ajapjjaniwa quipca marcapana, mä coronan suma kalanacapar uñtata.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 21:5

“Sionanquir marcarojj sapjjam: Uñjam, juman Reyimaw mä asnjjata jutasqui, llamp'u chuymani, mä jisc'a asno kalljjata, cawquïritejj qhumuñ uywan wawapäqui ucjjata.”

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Lucas 10:22

“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Efesios 1:21

take munañaninacjjaru utt'ayasa, marca apnakerinacjjaru, autoridadanacjjaru, ch'amaninacjjaru, cunatejj utji jichhürunacansa, khepa urunacansa utjcani ucanacjjarusa.

Hebreos 2:9

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.

Apocalipsis 1:14

Ñic'utapasti t'awrjama, jan ucajj qhunjama wali jank'önwa, nayranacapasti akasquir ninjamaraquïnwa.

Apocalipsis 12:3

Ucatsti yakha uñacht'äwiraquiw alajjpachanjja uñstäna: Mä jach'a dragón sat wila animalaraquiw uñstäna: ucasti pakallko p'ekenïnwa, tunca wajjran cuna, sapa p'ekerusti mä coronan asjjatata.

Apocalipsis 13:1

Kotat mistur uñjta mä jach'a ajjsarcañ animalaru, ucasti pakallko p'ekenïnwa tunca wajjran cuna. Sapa wajjrarusti mä coronaniraquïnwa, p'ekenacapansti Dios toke kellkat arunacaraquiw utjäna.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 6:2

Ucat uñtta, ucatsti mä jank'o caballo uñjaracta. Caballor lat'jjatatäcän ucasti mä arco apt'atänwa. Mä coronraqui churapjjäna, ucatsti mä atipjirjamaw mistuwayäna juc'ampi atipjäwinaca atipjañapataqui.

Jueces 13:18

Ucat angelajj saraquïnwa: —¿Cunataquisa jumajj sutejja yatiñ munta? Muspharcañawa jan yatiyañjama —sasa.