Apocalipsis 19:1

Aymar Bibliia 1986

Take ucanac pasatatsti walja jakenacan arunacapracwa ist'ta alajjpachan aqham art'asiri: “¡Aleluya! Khespiyasiñasa, jach'a cancañapasa, munañanïñasa Diosasanquiwa.

Jak'a apnaqawi uñst'ayäwi

1 Crónicas 29:11

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Salmos 104:35

Jucharar jakenacajj aca oraken tucusipjjpan, ñankha lurir jakenacajj jiwarapjjpan. ¡Takpach chuymajjampiw Tatitur jach'añchä! ¡Tatitojj jach'añchatäpan!

Salmos 106:1

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Salmos 111:1

¡Tatitojj jach'añchatäpan! Tatiturojj take chuymampiw yuspagarä, asqui jakenacan tantachasïwipan jach'añchä.

Salmos 115:18

Jiwasanacasti Tatituruw jach'añchapjjañäni, jichhasa, wiñayasa. ¡Tatitojj jach'añchatäpan!

Salmos 146:1

¡Tatitojj jach'ar aptatäpan! Takpach chuymajjampiw Tatitur jach'añchä.

Salmos 148:1

¡Tatitojj jach'ar aptatäpan! Tatiturojj alajjpachatpach jach'añchapjjpan, Tatiturojj alajjatpach yupaychapjjpan.

Salmos 149:1

¡Tatitojj jach'ar aptatäpan! Tatiturojj machak k'och k'ochupjjam, iyawsirinacap taypin jach'añchapjjam.

Salmos 150:1

¡Tatitojj jach'ar aptatäpan! Diosarojj kollan utapan yupaychapjjam, muspharcañ alajjpachan jach'añchapjjam.

Salmos 3:8

Tatay, jumaw khespiyirïtajja; ¡marcamarojj asquinacampiy phokhantam!

Salmos 62:11

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Jeremías 51:48

Alajjpachasa, acapachasa take cunanacatejj utjqui ucanacasa Babilonian aynacht'atätap uñjasajj walipuniw cusisipjjani, cunapachatejj amsta toket t'unjiripajj jutcani ucapachajja. Naya Tatituw ucjja arsta.

Jonás 2:9

Ucampis nayajja, yuspagarañ arumpiwa jumar sacrificionac loktämajja; cuntejj nayajj arscta ucsti phokharaquïmawa. ¡Jumaquiw khespiyasirïtajja!” sasa.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Apocalipsis 19:6

Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.