Apocalipsis 18:9

Aymar Bibliia 1986

Acapachanquir reyinacasti, qhitinacatejj jupampi jucha lurasa jacapcän ucanacasti, jupar naqhantata uñjasajj wali jachapjjani, jaqhusipjjaraquini.

Jak'a apnaqawi uñst'ayäwi

Génesis 19:28

Sodoma, uqhamarac Gomorra marcanacwa uñtäna, uqhamarac take uca valle tokenaca, ucatsti uñjaraquïnwa ucsatjja mä jek'e maqhatasquiri, mä hornotjama.

Salmos 58:10

Asqui jakesti, uqhämat uqhäm apsur uñjasajj cusispan, ñankha luririnacan wilapamp cayunacap wilachsuspan.

Isaías 13:19

Marcanacataqui mä perlasjamäqui uca Babiloniasti, caldeo jakenacataqui korir uñtatäcaraqui uca marcajja, Sodoma, uqhamaraqui Gomorra marcjamaw tucusini, cunapachatejj nayajj uca marcanacar t'unjcäyätjja uqhama.

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Jeremías 50:40

Cunjämatejj Sodoma, Gomorra, uqhamaraqui uca jac'anquiri marcanacasa t'unjata uñjasipjjänjja, uqhamaraquiw jichhajj Babiloniajj uñjasini. Janipuniw ucanjja qhitis jaccjjaniti, ni pascamayasa. Naya Tatituw ucjja arsta.

Jeremías 50:46

Babilonian tincutapasti jach'at ist'asini, take aca orakpachaw qhathatiraquini, arnakasitapasti yakha marcanacansa ist'asiraquiniwa.”

Jeremías 51:8

Ucampisa acatjamatwa Babiloniajj jisc'a jisc'a t'unjat uñjasi. ¡Jichhajj jupatjam jachapjjam! Kollanac chhojjrinacapataquejj apanipjjam, uñjañäni, inacha kollasini.”

Ezequiel 27:35

Kota toke marcanacan utjirinacasti, jumar uñjasajj wali llact'atäpjjewa: reyinacapas wali sustjatäpjjaraquiwa, uñnakanacapas wali sustjataraquiwa.

Daniel (hebreo) 4:14

Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

1 Timoteo 5:11

Ucampis jan uscumti juc'a maranacani ijma warminacarojja, cunapachatejj pachpa amtäwinacapajj Cristotjja jayarst'ayi ucajja, wasitampiw casarasiñ munapjje,

Apocalipsis 14:11

Jek'esti uca t'akhesïwipatjja wiñayapuniw mistu, janiraquiw samarañajj urus arumas utjquiti, qhitinacatejj uca jach'a ajjsarcañ animalaru, uqhamarac uñtasitanacaparus yupaychapqui, jan ucajj amparaparus, paraparus uca animalan sutipampi chimpt'ayasipqui ucanacataquejja.”

Apocalipsis 17:2

Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.

Apocalipsis 18:18

Uca marcan naqhatapat jek'e mistur uñjasasti, jach'at art'apjjaraquïna: “¿Cawquïri marcaquisa aca jach'a marcjamänjja?” sasa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 18:3

Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.

Apocalipsis 18:7

Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: “Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa” sasa.

Apocalipsis 19:3

Ucatsti wasitat art'apjjaraquïna: “¡Aleluya! Aca marcan jek'epajj wiñayan wiñayapataquiw maqhatani” sasa.

Apocalipsis 2:22

Jichhajj uca warmirojj usuntayäwa, iquiñar jakt'añcama. Walrac t'akhesiyäjja jupamp wachoka jucha luririnacarusa, janitejj arrepientisipcani ucqhajja.