Apocalipsis 16:2

Aymar Bibliia 1986

Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa.

Jak'a apnaqawi uñst'ayäwi

2 Crónicas 21:15

Ucatjja jumarojj walja usunacampiwa usuntayätam. Jumasti puracamatwa mä jan apaktir usumpi usuntäta, jiphillamajj jumat misttañapcama” sasa.

2 Crónicas 21:18

Take ucanacat ucjjarusti, Tatitojj juparojj mutuyänwa mä jan kollcaya puraca usumpi.

Salmos 78:26

Alajjpachatpach inti jalsu thayamp phust'ayäna, ch'amapampiw aynach thayarojj irptäna:

Isaías 3:17

Jichhajj jupanacajj mutuyatäniwa p'eke k'ara sarnakañampi, jupanacasti jaken uñjcata k'alalsuyataraquïniwa.”

Isaías 3:24

Uca perfumenac lantisti utjaraquiniwa cunayman usunaca; cinturón lantisti utjaraquiniwa wisqhanaca, uca suma asquicht'ata p'eke lantisti utjaraquiniwa, p'eke k'ara sarnakañanaca, uca suma isinacap lantisti, utjaniwa chhanqha isinaca, uca suma ajanupan uñnakatap lantisti, parintat hierrompi chimpt'atäniwa.

Hechos 12:23

Ucspachaw Tatitun angelapajj Herodesar usuntayäna, Diosan sutip jan jach'achatap laycu. Ucatsti jisc'a lak'onacan mank'antataw Herodesajj jiwjjäna.

Deuteronomio 28:27

“Diosasti, egipcionacarus t'akhesiycäna uqhamaw llejjtinacampi, tumor sat p'usunacampi, sarna usunacampi, tiña sat jasi jasi usunacampiw t'akhesiyätam, ucatsti janiraquiw uca usunacatjja c'umarachasiñ puedcätati.

Deuteronomio 28:35

Tatitu Diosaw jumarojj t'akhesiyätam ñankha llejjtinacampi konkorinacamana, charanacamana, take janchimansa, janiraquiw ucatjja c'umarachasiñ puedcätati.

Deuteronomio 7:15

Tatitu Diosasti take usunaca, azot'inaca jumanacat apakapjjätam, cawquïri usunactï Egipto marcar apaycän ucanaca; ucampis take uca usunacampejj uñisirinacamaruwa t'akhesiyani.

Apocalipsis 13:12

Nayrïri jach'a ajjsarcañ animaljam munañaniraquiquïnwa jupan nayrakatapana. Aca oraken utjirinacarusti uca nayrïri jach'a ajjsarcañ animalaruraquiw yupaychayänjja, cawquïri animalatï uca jach'a chhojjripat waliptcataynas ucaru.

Apocalipsis 14:16

Ucspachaw uca kenay patan kont'atäcän ucajj uca yawiñ hosipampi cosech apthapi aca orakenjja.

Apocalipsis 14:9

Ucjjarusti yakha quimsïri angelaraquiw uñstäna wali jach'at art'asisa: “Qhititejj uca jach'a ajjsarcañ animalaru yupaychcani, uqhamarac uñtasitanacaparusa, uca ajjsarcañ animalan chimpupsa amparaparus jan ucajj paraparus uchayascani ucajja,

Apocalipsis 16:1

Ucatsti mä jach'a aru ist'aracta santuariot mistuniri, pakallko angelanacarusti aqham saraquïnwa: “Sarapjjam, ucatsti waranucunipjjam orakjjaru cuna mutuyañanacatejj uca pakallko copanacan phukhantatäquis ucanaca, uca mutuyäwinacasti Diosatwa juti” sasa.

Apocalipsis 16:11

ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.

Apocalipsis 8:7

Nayrïri angelasti trompetapjja phust'änwa, ucatsti chhijchhiwa aca orakerojj purinïna, wilampi quittata nina jalluraquiw orakerojj jallüna, ucatsti quimsïri partewa aca orakenjj tucusïna, kokanacatsa take koranacatsa quimsïri partewa naqhantäna.

1 Samuel 5:6

Uca khepatsti Tatitojj Asdod chekan utjirinacarojj walpun t'akhesiyäna ajjsarañanacampi phokhantasa, Asdod orakensti cunayman janchi p'usunacampi chhojjriñchjasaraqui.

1 Samuel 5:9

Cunapachatejj uca arca apjjapjjän ucqhasti, Tatitojj marcanjja cunayman jan walt'añanacwa sartayäna, jakenacarusti cunayman janchi p'usunacampiw chhojjriñchjaraquïna, jach'ata jisc'acama.