Apocalipsis 15:6

Aymar Bibliia 1986

Tatitun santuariopatsti uca pakallko angelanacaw mistunipjjäna pakallko t'akhesïwinacas apt'ata. Uca angelanacasti suma k'oma khanquiri lino isinacampi ist'atäpjjänwa, pechonacaparusti kori wac'anacampi wact'atäpjjaraquïnwa.

Jak'a apnaqawi uñst'ayäwi

Daniel (hebreo) 10:5

Acatjamat uñtta mä jake sayasquiri, linot lurat isinacampi isthapita, uqhamaraqui korit lurat mä cinturonampi muytata.

Lucas 24:4

Sustjatäsipcänwa janiw camacht'irjamäpcänsa. Uqhamäsquipanwa jupanac jac'an uñsti pani suma jank'ot ist'at chachanacajja.

Apocalipsis 1:13

Uca candelabronac taypinsti mä jakjam uñjaracta, niyas Jaken Yokapar uñtata. Isipasti cayucamänwa, pechopäqui ucqharusti mä kori cinturonampi muytata.

Apocalipsis 14:15

Tatitun templopatsti yakha angelaraquiw mistuni, ucatsti uca kenay patan kont'atäquis ucaruw jach'at aqham sas art'i: “¡Uca yawiñ hosimampi yawthapjjam cosechjja, horasäjjew apthapiñajja, yapusti k'elluratäjjaraquiwa!” sasa.

Apocalipsis 14:17

Ucatsti yakha angelaraquiw Tatitun templopatjja mistuni mä ari yawiñ hoz ayt'ata.

Apocalipsis 15:1

Ucatsti alajjpachanjj yakha jach'a unañchäwiraqui uñjta, ucasti wali muspharcañänwa. Pakallko angelanacaw uñstanïna pakallko khepa t'akhesïwimpi, uca t'akhesïwinacampisti Diosan colerasiñapajj tucusjjänwa.

Apocalipsis 19:8

Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.