Apocalipsis 15:4

Aymar Bibliia 1986

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Jak'a apnaqawi uñst'ayäwi

Salmos 105:7

Tatituw jiwasanacan Diosasajja, jupaw takpach oraker apnake.

Salmos 111:9

Marcaparojj khespiyiwa, arust'äwipsti wiñayataquiw utt'ayi: Diosajj kollanawa, ajjsarcayaraquiwa.

Salmos 22:23

Tatitur alcatirinaca, Diosaruy jach'ar aptapjjam. ¡Jacobon wawanacapa, juparuy jach'añchapjjam! ¡Israelan wawanacapa, juparuy yupaychapjjam!

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Salmos 22:3

Jumasti kollanätawa; jumaw Israel marcan jach'añchatätajja.

Salmos 86:9

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Salmos 97:8

Tatay, Sión marcampi, Judá orakenquir marcanacampejj arsutanacamat walpun cusisipjje.

Salmos 99:5

Tatit Diosasar jach'añchapjjam, cayunacap nayrakatar quillt'asipjjam: ¡Tatitojj Kollanawa!

Salmos 99:9

Tatit Diosasar jach'añchapjjam, kollan kollup nayrakatar konkort'asipjjam: ¡Tatit Diosasajj Kollanawa!

Isaías 24:15

Inti jalsu tokensa, jach'a kota taypin utjir marcanacatsa, Tatituruw jach'achapjjani, Israelan Diosaparu.

Isaías 25:3

Ucatwa khoru jakenacan marcapajj jach'añchäwi churtamjja sinti khoru marcanquir jakenacasti ajjsararactamwa.

Isaías 26:9

Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Isaías 45:23

Naya quipcaw juramentompi arsta, atipjañataquiw arsuracta, uca arsutajjasti phokhasipuniniwa. Naya nayrakatanwa take jakenacajj quillt'asipjjani, takenis nayjjat parlapjjaraquini,

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Isaías 60:5

Jumasti, ucanac uñjasajj walpun cusisïta, chuymamasti cusisiñansa phokt'ataraquïniwa; kota tokenquir marcanacan kamir cancañanacapwa apanirapipjjätam, marcanacan kamir cancañapwa catuyapjjaraquïtam.

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Zacarías 14:16

Uca pasatatsti, Jerusalenampi nuwasipcän uca marcanacat jilt'iri jakenacasti sapa maraw take ch'amani Tatitu Reyiru yupaychiri sarapjjani Chhujlla fiestanac lurañataqui.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Romanos 15:9

Cristojj jutaraquiw qhitinacatejj jan judiöpquis ucanacajj Diosar yupaychapjjañapataqui jupan qhuyapayasiñap laycu, cunjämatejj kellkatäqui ucarjama: “Uca laycuw yakha marcanac taypinsa yupaychäma, k'ochuraquïwa sutim jach'añchañataqui” sasa.

1 Pedro 1:16

Diosan arunacapan kellkatasti saraquiwa: “Jumanacajj kollanäpjjam, nayasti kollanätwa uca laycu” sasa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 14:7

Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Apocalipsis 16:5

Ucatsti umancquis uca angelaruraquiw aqham siri ist'aracta: “Jumajj chekapapunïtawa aqham taripatamata kollan Dios Tatitu. Jumajj utjascapunïyätawa, jichhas utjascapuntawa.

Apocalipsis 16:7

Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Apocalipsis 19:8

Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!