Apocalipsis 14:4

Aymar Bibliia 1986

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.

Jak'a apnaqawi uñst'ayäwi

Salmos 45:14

reyin ucarojj muspharcay isthapitpun irpapjje; khepap nayrap sarir tawakonac taypina.

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Cantar de los cantares 1:3

perfumeman k'aphipas muct'atajj wali sumaraquiwa, sutimasti suma perfume wartatjamaw k'aphiraqui. ¡Ucatwa warminacajj wali munapjjaractamjja!

Cantar de los cantares 6:8

Reinanacasti pakallk tuncanïpjjewa, uñt'atanacapasti quimsakallk tuncanïpjjaraquiwa, tawakonacas waljanïpjjaraquiwa,

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Amós 6:1

¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Mateo 19:12

Cunayman amuyunacaraquiw utji jaken jan casarasiñapataquejja. Yakhepanacajja jan casarasiñataquiw naci, mayninacasti jake masipan uqham jan casarasquiri tucuyataraquiwa, mayninacasti Diosan reinop laycuw jan casarasipcaraquiti. Qhititejj uqham tucurjamächi ucajj uqham tucpan —sasa.

Mateo 25:1

“Diosan reinopajj aca uñtasitamp sasiwa. Tunca tawakonacaw mä casarasïwir sarapjje lamparanacapas apt'ata casarasirir catokañataqui.

Mateo 8:19

Ucansti mä ley yatichiriw Jesusaru jac'achasisin jisct'äna aqham sasa: —Yatichiri, arcañpun munsma cawqharutejj sarcät ucaru —sasa.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 12:26

Maynitejj sirviñ munchitu ucajja arquitpan, cawquinccätejj nayajj ucancaraquiniw sirvirejjajja. Qhititejj sirvquitani ucarojj Awquejjajj jach'añchaniwa —sasa.

Juan 13:37

Ucjjarusti Pedrojj sascaquïnwa: —Tata, ¿cunats jichhajj jan arcquirismajja? Nayajj janc'aquïtwa jacañajj juma laycu churañataquejja —sasa.

Juan 8:12

Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

1 Corintios 16:15

Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

1 Corintios 6:20

jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

1 Corintios 7:28

Casarasitamajja janiw juchäquiti. Mä tawakon casarasitapasa janiraquiw juchäquiti. Ucampis casadonacataquejj ch'amawa sarnakañajja, ucatpï nayajj muniristjja jan casarasipjjañapa, jan uqham llaquita sarnakasipcañapataqui.

2 Corintios 11:2

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

Efesios 1:14

Kollan Ajayuwa jiwasanacan arjjatirisajja cawquïr wajjt'asïwtejj Diosajj churquistani uc catokañasataquejja. Ucsti catokañäniwa cunapachatejj jupanquirinacan khespiyasiñapajj phokhatäjjani ucqha, jupajj jach'a Diosätap laycu yupaychatäñapataqui.

Efesios 5:27

jupan nayrakatapar jach'añchat iglesia irpcatañataqui, jan k'añuchata, jan cuna phullch'uni, jan cunamp camacht'ata, jan ucasti suma k'oma Diosatac yakhachata.

1 Timoteo 4:3

Aca jakenacajj sapjjewa: “Janiw casarasiñasäquiti” sasa, uqhamarac yakhep mank'anac mank'añsa jarc'apjjaraquiwa. Diosawa mank'añanacjja luri iyawsirinacana uqhamarac cheka uñt'irinacan mank'añapataqui, Jupar yuspagarasina.

Hebreos 12:23

uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 21:22

Janiraquiw cuna templsa ucanjja uñjcti, pachpa Diosaraquiw ucanjja templojja, uqhamarac Corderosa.

Apocalipsis 21:23

Uca marcanjja janiw munascänti intisa ni phajjsi khanasa, pachpa Diosaw ucan khanäna, uqhamarac Corderowa khanaraquïna.

Apocalipsis 3:4

Ucampis Sardis iglesianjja utjasctamwa mä kawkha jakenaca, jupanacasti isinacapjja janiw k'añucht'asipquiti. Jupanacasti nayamp chicaw jank'ot ist'ata sarnakapjjani, uqhamaraquiw waquisi sarnakapjjañapajja.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.