Apocalipsis 14:11

Aymar Bibliia 1986

Jek'esti uca t'akhesïwipatjja wiñayapuniw mistu, janiraquiw samarañajj urus arumas utjquiti, qhitinacatejj uca jach'a ajjsarcañ animalaru, uqhamarac uñtasitanacaparus yupaychapqui, jan ucajj amparaparus, paraparus uca animalan sutipampi chimpt'ayasipqui ucanacataquejja.”

Jak'a apnaqawi uñst'ayäwi

Génesis 19:28

Sodoma, uqhamarac Gomorra marcanacwa uñtäna, uqhamarac take uca valle tokenaca, ucatsti uñjaraquïnwa ucsatjja mä jek'e maqhatasquiri, mä hornotjama.

Salmos 10:16

Tatitojj wiñayapuniw reyit kont'asi, ¡Diosar jan uñt'irinacasti orakepat jakonucutäniwa!

Salmos 145:1

Diosajjay, Reyejjay, jach'aruw aptäma, wiñayaw sutim jach'añchä.

Éxodo 15:18

Tatituw apnakani wiñayan wiñayapataqui.”

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Isaías 34:10

Janiraquiw urus arumas jiwcaniti, jek'epasti sartapuniniwa. Walja maranacaraquiwa apanucuta uñjasini, janiraquiw wasitat qhitis uca chekjja pascjjaniti.

Isaías 34:8

Jïsa, uca urojj Tatitun asut'iñapa urüniwa, phoksusiña mararaquïniwa Sionataquejja.

Isaías 57:20

Ucampis khoru jakenacajj mä khothutir kotar uñtatäpjjewa, janiraquiw amuct'irjamäpquiti, mathapinacapasti ñek'empi cunayman k'añunacampwa willsuniraquejja.

Daniel (hebreo) 3:6

Qhititejj uca diosa nayrakataru jan quillt'ascani, ucasti ucspachaw mä akquir hornoru jakontatäni” sasa.

Joel 2:30

alajjpachanacansti jach'a muspharcañanacwa uñacht'ayaraquëjja, orakensti wila, nina, uqhamarac jewk'e kenayanac uñacht'ayaraquï.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Mateo 25:41

Ch'ekäjjapancquis ucanacarojj saraquiniwa: “Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.

Deuteronomio 28:65

Uca marcanacan jaccasinjja janiw sumancañsa ni samarañsa jicjjatapcätati; Diosajj wali sustjatwa jacayätam, nayranacamas llact'ata ajjsarañana, kawkhasay cusisiñ munascam.

Hebreos 1:8

Ucampis Yokap toketjja saraquiwa: “Juman tronomajj, Dios Tata, wiñayataquiwa. Apnakatamas chekaparaquiwa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 13:12

Nayrïri jach'a ajjsarcañ animaljam munañaniraquiquïnwa jupan nayrakatapana. Aca oraken utjirinacarusti uca nayrïri jach'a ajjsarcañ animalaruraquiw yupaychayänjja, cawquïri animalatï uca jach'a chhojjripat waliptcataynas ucaru.

Apocalipsis 13:15

Aca payïri jach'a ajjsarcañ animalarusti, nayrakata jach'a ajjsarcaña animalan diosapar jacaña churañataqui munañanïñaw churatäna, uqhamata uca diosajj parlañapataqui, uqhamarac qhitinacatejj uca diosar jan yupaychqui ucanacar jiwarayañapataqui.

Apocalipsis 13:17

Janiraquiw qhitis alasjjanisa ni aljasjjanisa janitï uca jach'a ajjsarcañ animalan sutipampi chimpt'atäcchi ucapachajja, uqhamarac uca ajjsarcañ animalan jan numeropanïcchi ucajja.

Apocalipsis 14:9

Ucjjarusti yakha quimsïri angelaraquiw uñstäna wali jach'at art'asisa: “Qhititejj uca jach'a ajjsarcañ animalaru yupaychcani, uqhamarac uñtasitanacaparusa, uca ajjsarcañ animalan chimpupsa amparaparus jan ucajj paraparus uchayascani ucajja,

Apocalipsis 18:18

Uca marcan naqhatapat jek'e mistur uñjasasti, jach'at art'apjjaraquïna: “¿Cawquïri marcaquisa aca jach'a marcjamänjja?” sasa.

Apocalipsis 18:9

Acapachanquir reyinacasti, qhitinacatejj jupampi jucha lurasa jacapcän ucanacasti, jupar naqhantata uñjasajj wali jachapjjani, jaqhusipjjaraquini.

Apocalipsis 19:3

Ucatsti wasitat art'apjjaraquïna: “¡Aleluya! Aca marcan jek'epajj wiñayan wiñayapataquiw maqhatani” sasa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.

Apocalipsis 22:5

Ucanjja janiw arumajj utjcjjaniti, ucan jaquirinacasti janiw lamparinsa, intin khanapasa munascjjaniti, Dios Tatituquiwa khanani, jupanacasti wiñayaraquiw ucanjja reinapjjani.

Apocalipsis 7:12

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”