Apocalipsis 14:10

Aymar Bibliia 1986

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Jak'a apnaqawi uñst'ayäwi

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Job 18:15

Utaparusti ninampiw wiyantasi, yänacapasti azufrempi ch'ajjchsutaraquiwa.

Job 21:20

Take ch'amani Diosatsti jupaw mutuyäwi catokascañapajja.

Salmos 11:6

Tatitojj ñankha lurir jakenacjjarojj nina sanc'ampi, asufremp jalluyanini; ch'aman thayampiw jupanacarojj naqhantayani. ¡Tatitojj lurataparjamaw mutuyani!

Salmos 37:34

Tatitur takpach chuymamp suyt'am, jupar jaysaraquim, jupaw orak catokañamataquejj ch'amañchätam, ñankha luririnacan t'unjasïwip uñjaraquïta.

Salmos 52:6

Diosar jaysir jakenacajj uc uñjasajj ajjsarapjjaniwa, qhä jaketsti larusisaw sapjjani:

Salmos 60:3

Marcamarojj jach'a yant'anacampiw t'akhesiytajja, lokheptayir vino churapjjestajja;

Salmos 73:10

Ucat jakenacajj jupanacar jach'añchi, janiraquiw cuna juchsa jupanacan jicjjatquiti.

Salmos 75:8

Tatitojj k'apisiñ copa ast'atawa, t'amantat phokha vinon vasowa: orakenquir ñankha lurir jakenacasti konchumppach umantapjjani.

Salmos 91:8

Nayranacamamp uñjañataquiquiw ucancäta, ñankha lurir jakenacan catokäwip uñjäta.

Isaías 29:9

¡Jumanacasti, jakenaca, uqham lokhequïsipcam! ¡Juyqhuquïsipcam, jan cuns uñjasa! ¡Umatanacjam liwinaktasipcaquim, jan machjayiri umanac umapcsta ucasa!

Isaías 30:33

Nayrapachatpacha Asiriataquejja, reyipataquisa, t'akhesiyañ chekajj waquichatawa, ancho uqhamaraqui mankharaquiwa, ninasti ucanjja wal naqharaqui. Tatitun phust'atapaw aktayani, mä jach'a azufre jawiräcaspas uqhama.

Isaías 34:9

Edom marcanquir jisc'a jawiranacan umanacapas alquitranjamäniwa, lak'anacapasa azufreruraquiw tucuni; orakesti alquitranjamaw naqhani.

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Jeremías 25:27

Ucatsti Tatitojj saraquituwa: “Jupanacarusti saraquim, naya, take ch'amani Tatitu, Israelan Diosapaw arsta, machjasiñcama, wak'jasiñcama, jan mayampi sartcjjañataqui oraker liwirtapjjañapcama umapjjpan, janiraquiw mayampisa sartcjjapjjaniti cuna guerranactejj nayajj jupanacaru apayancä uca laycu.

Jeremías 49:12

Tatitusti siwa: “Qhitinacatejj jan mutuyäwi catokapjjchïn ucanacatejj mutuñapa mallt'apjjchi ucqhasti, janiw jumajj jan mutuyäwi catokasa kheparcaraquïtati, jan ucasti mutuyäwimjja catokapunïtawa.

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Ezequiel 20:48

Take marcanacaw uñjapjjaraquini uca ninjja naya Tatitun nactayatajja. Uca ninasti janiw jiwarcaniti’ ” sasa.

Habacuc 2:16

Jach'añchasïwi lantjja, p'enkasiñampiw isthapisïtajja, Dios Tatituw churaraquïtam mä copa umt'añamataqui ucaw uñacht'ayätamjja juman k'alaquïtama, jach'a luräwinacamsa jisc'aruraquiw tucuyani.

Mateo 20:22

Jesusasti ucjjarojj saraquïnwa: —Jumanacajj janiw yatipctati cuntejj mayipctas ucjja. ¿Cawquïr c'allc'u umtejj umt'cä ucjja umt'apjjasmati ucs catokapjjaraquismati? Jupanacasti sapjjänwa: —Lurapjjeristwa —sasa.

Mateo 25:41

Ch'ekäjjapancquis ucanacarojj saraquiniwa: “Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Marcos 8:38

Maynitejj nayatsa arunacapjjatsa p'enkasinejja aca jucharar jakenacan nayrakatapanjja, Jaken Yokapajj jupatjja p'enkasiraquiniwa cunapachatï Awquipan jach'a cancañapampi, kollan angelanacapampi jutcan ucqhajja.

Marcos 9:44

[Qhayanjja lak'onacajj janiw jiwarquiti, ninas janiraquiw jiwarcaraquiti.]

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

2 Tesalonicenses 1:7

Ucatsti chekaraquiw jumanac t'akhesirinacar samarañ churañataqui, uqhamarac nanacarusa, cunürutejj Tatit Jesusajj uñstancani alajjpachat nina taypina ch'amani angelanacapampi jutcani ucapachajja.

Judas 1:7

Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.

Apocalipsis 18:3

Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.

Apocalipsis 18:6

Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.

Apocalipsis 20:14

Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.