Apocalipsis 11:8

Aymar Bibliia 1986

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Jak'a apnaqawi uñst'ayäwi

Génesis 13:13

cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Isaías 3:9

Juparusti pachpa uñnakatapaw juchañchasqui. Juchanacapsti janiraquiw imt'asipquiti, Sodoma marcjamaraquiw takeniru yatiyapjje. ¡Ay jupanacataqui, jupanacpacharaquiw mutuyäwi waquichasisipqui!

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 26:23

ucanacasti Egiptota irptanisinjja Urías profetarojj Joacim reyin amparaparuw catuyapjjaraquïna, reyisti uca profetarojj jiwayatäñapataquiw arsuraquïna, ucat mä jach'a p'iyaru janchipajj jakontatäñapataqui.

Ezequiel 16:46

Amsta tokensti jilïri cullacamaw ucancänjja, ucasti Samaria marcawa, jisc'a marcanacapampi cuna, aynach tokensti sullca cullacamaw ucancaraquïnjja, ucasti Sodoma marcaraquiwa, jisc'a marcanacapampi cunaraqui.

Ezequiel 16:49

Sodoma cullacamana, jisc'a marcanacapan juchanacapasa acawa: Jupanacajja, mank'añapas phokt'atïpanjja, take cunan phokt'ata jacäwinacapatsti wali jach'a jach'aw tucupjjänjja, ucampisa jupanacajj janipuniw cunapachasa pobrenacarojja, qhitinacatejj pist'ata sarnakapjje ucanacarus qhuyapt'ayapcänti.

Ezequiel 23:19

Ucampisa jupajj juc'ampi juc'ampwa jucha lurañanacaru catuyasjjänjja, tawako urunacapa amtasisa, cunapachatejj Egipton jan wali sarnakascän uqhama.

Ezequiel 23:27

Uqham lurasaw tucuyäjja munañamaru sarnakcäyätas ucjja, uqhamaraqui Egipton jucha lurañanacan sarnakancäyätas ucanacarusa, egipcio jakenacarusti janiw mayampsa uñjcjjätati, janiraquiw mayampis jupanacatjja amtascjjätati” sasa.

Ezequiel 23:3

Aca warminacasti tawakotpachwa jan wali sarnakañanacaru catuyasipjjäna, Egipto orakensti ñuñunacapsa llawk'ayasipjjäquïnwa, uqham sarnakasawa k'oma cancañanacapjja k'añuchjapjjäna.

Ezequiel 23:8

Egiptonccän ucat acsarusti mä k'añu luriri warmipuniw tucuwayjje, uca jan wali sarnakañanacapsti janipuniw apanuccaraquïnti. Cunapachatejj jupajj tawacücän ucqhatpachsti walja chachanacaw jupampi iquintapjjänjja, janiw jan chacha uñt'ir tawaköcjjänti, jan ucasti walja chachanacampi sarnakeri warmiquëjjänwa.

Ezequiel 37:11

Ucatsti Tatitojj saraquituwa: “Israel marcajj uca ch'aqhanacjamawa. Jupanacasti aqham sasaw sarnakapjjaraqui: ‘Ch'aqhanacasajj wañantatawa, janiraquiw cuna suyt'añanacapas utjcjjeti, k'ala aynacht'ataraquïtanwa’ sasa.

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Mateo 10:15

Khanacwa sapjjsma, uca marcanacan mutuñapajj juc'ampiraquïniwa taripäwi urunjja, Sodoma uqhamarac Gomorra marcan mutuñapat sipansa.

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

Hebreos 13:12

Uqhamaraquiw Jesusajj marcat ankana jiwayatäna, jakenacaru suma k'omachañataqui jupan pachpa wilap toke.

Hebreos 6:6

jupanacatejj Tatitut jithektapjjaspa ucapachajja, janiw jupanacar wasitat cutiquipstayancsnati, jupanacpachaw Diosan Yokaparojj ch'accatasipqui, jakenacan larusiñapataquiw uchapjjaraqui.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.

Judas 1:7

Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 11:9

Quimsa uru chicaniraquiwa take casta jakenaca, cunaymani parlani jakenaca, take marcanacata ucanacaw uca jiwatanacjja uñjapjjani, janiraquiw imantayapcaniti.

Apocalipsis 14:20

Uca uvanacasti marca ankäjjan ch'irwsutänwa, cawqhantï imatäcän ucqhatsti wilaw mistuni. Uca wilasti mä kotaw tucuwayi caballonacan lacapar puriñcama, ucatsti wali jach'aruw saratati, quimsa pataca kilometrjama.

Apocalipsis 14:8

Ucatsti yakha angelaraquiw uñsti aqham sasa: “Aynacht'jjewa, aynacht'jjewa jach'a Babiloniajja, marcanacarusti vinompjamawa macharayi jan wali sarnakäwipampi” sasa.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 17:18

Cuna warmtï uñjcta ucasti cawquïri marcatï aca orakena take reyinacaru apnakquis uca marcawa” sasa.

Apocalipsis 17:5

Paraparusti mä suti kellkataraquiw utjäna, uca sutisti aqhamänwa: “Jach'a Babilonia, juchararanacan taycapa, cunatejj acapachan ajjtañäquis ucan taycapa” sasa.

Apocalipsis 18:10

Jayaruraquiw jithektjjapjjani, uca mutuñapar ajjsarasa, ucatsti sapjjaraquiniwa: “¡Ay! ¡Babilonia jach'a marca, cunaruraqui purtasti! ¡Janc'aquiraquis mutuyäwimajj purinejjä!” sasa.

Apocalipsis 18:18

Uca marcan naqhatapat jek'e mistur uñjasasti, jach'at art'apjjaraquïna: “¿Cawquïri marcaquisa aca jach'a marcjamänjja?” sasa.

Apocalipsis 18:2

Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!

Apocalipsis 18:21

Ucatsti munañani mä angelaraquiw mä jach'a kala apti molin kalar uñtata, ucatsti jach'a kotaruraquiw jakonti aqham sasa: “Aqhamaraquiw jach'a Babilonia marcajj jakontatäni, janiraquiw mayampsa cuttancjjaniti.

Apocalipsis 18:24

Ucampis uca marcajj Diosat parlirinacarojj jiwarayänwa, uqhamarac take qhitinacatejj Diosancapqui ucanacarus t'akhesiyänwa, uqhamarac take qhitinacatejj aca oraken jiwayatäpcänsa ucanacatsa jupajj juchanïnwa.