Apocalipsis 11:10

Aymar Bibliia 1986

Aca oraken jaquirinacasti wali cusisipjjani uca testigonacan jiwapjjatanacapatjja. Cusisiñatsa jupanaccamaraquiw cunanacsa wajjt'asipjjani, aca pani Diosan parlirinacapasti jakenacataquejj jan walïnwa uca laycu.

Jak'a apnaqawi uñst'ayäwi

1 Reyes 18:17

Uñjasinsti juparojj sänwa: —Uqhamajj, ¿jumätati Israel marcaru ch'ajjwayirejja? —sasa.

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

1 Reyes 22:18

Ucatsti Israelan reyipajj Josafat reyirojj sänwa: —¿Janit siscsmajja “Aca jakejja janipuniw sumanacjja yatiyquituti, jan ucasti jan walinacaqui” yatiyitojja? —sasa.

1 Reyes 22:8

Israelan reyipasti Josafat reyirojj sänwa: —Maynimpiw utjasqui, jupa tokewa Tatiturojj jisct'aracsna. Ucasti Micaías satawa, Imla sat chachan yokapa. Ucampis nayajj juparojj uñistwa, jupasti janipuniwa nayarojj sumanacjja yatiyquituti, jan ucasti jan walinacaqui yatiyitu —sasa. Ucatsti Josafat reyejj sänwa: —Jan uqham samti —sasa.

Salmos 13:4

Janiquiy timasirejjajj sispati: “Nayaw atipjta” sasa. Janirac timasirejjajj aynacht'atajjat cusispati.

Salmos 35:19

Timanacajjajj janiquiy nayat larusipjjitpati, uñisirinacajjajj janiquiy nayranacap nayatac ch'irmisipjjpati,

Salmos 89:42

Jumajj timasirinacaparuw ch'amañchtajja, uñisirinacapampiw larusiytajja.

Proverbios 24:17

Cunapachatejj uñisirimajj jan walt'cani, uqhamarac aynacht'cani ucqhajja, jan cusisimti, janirac fiestsa luramti.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Jeremías 50:11

“Jumanaca, caldeonacasti, marcajjaru k'epsurinaca, ¡jichhajj cusisipjjam, c'uchirt'asipjjaraquim! ¡Vaca kallur uñtat paston sinc'usipjjam! ¡Caballonacjamaraqui wararipjjam!

Abdías 1:12

Jilamajj chijir purcän uca urojj janiw cusisiñamäcänti, Judá marcajj aynacht'cän uca urusti janiraquiw cusisiñamäcänti, llaquisiña urupansti janiw jupanacatjja sawcasiñamäcänti.

Miqueas 7:8

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.

Mateo 10:22

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Juan 16:20

Khanacwa sapjjsma, jumanacajj jachapjjätawa, llaquisipjjaraquïtawa, acapachanquir jakenacasti cusisipjjaraquiniwa. Ucampis jumanacajj llaquitäcasinjja, llaquinacamajj cusisiñaruw cutiquipstani.

Juan 7:7

Acapachanquirinacajj janiw jumanacarojj uñisipquiristamti, ucampis nayarojj uñisipjjetuwa, nayan jupanacaru jan wali luratanacap khanañchatajj laycu.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

1 Corintios 13:6

Janiw cunatejj jan walïqui ucatjj cusisiñ yatquiti, jan ucasti cunatejj chekapäqui ucat cusisiñ yati.

Apocalipsis 12:13

Uca dragonasti orakeru jakonucuta uñjasjjasinjja, wawachascänsa uca warmiruwa arcnakäna.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 16:10

Pheskëri angelasti copapjja uca jach'a ajjsarcañ animalan tronopjjaruw warjjatäna, uca reinopasti ch'amact'araquïnwa. Jakenacasti t'akhesiñatjja lajjranacapwa t'urjasipjjäna,

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.