Apocalipsis 10:5

Aymar Bibliia 1986

Ucatsti cawquïri angelatï kotjjaru, uqhamarac orakjjaru tact'atäcän ucajja, cupi amparapwa alajjpacharu aytäna.

Jak'a apnaqawi uñst'ayäwi

Génesis 14:22

Ucampis Abramajj saraquïnwa: —Alajjpacha, acapacha lurir jach'a Diosaruw juramentompi arsta,

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Salmos 146:5

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 6:8

Uqhamaraquiw irpapjjäma cawqha oraktejj Abrahamaru, Isaacaru, Jacoboru churañatac arscäyäta ucaru. Ucatsti naya Tatituwa uca orakjja jumanacarojj dueño orakenacamataqui churapjjäma” sasa.

Ezequiel 20:15

“Wasaransti jupanacarojj juramentompiw arsta, cawquïri oraktejj jupanacaru churcta ucar jan mantayañataquejja; uca orakesti yakha orakenacat sipansa wali sumawa, leches, misq'is umjamaw jalascaraqui.

Ezequiel 20:23

Wasaransti jupanacarojj juramentompiw arsuraquïyäta, take marcanac taypiru ananucuñataqui,

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Ezequiel 20:42

‘Cunapachatejj nayajj Israel orakeru puriyjjapjjäma, cawquïri oraktejj nayra awquinacamaru churañataqui arscäyät uca orakeru, ucapachaw jumanacajj yatipjjäta nayan Tatitütajja.

Ezequiel 20:5

Israel marcarojj saraquim: ‘Aqham siw Tatitojja: Cunapachatejj jupanacaru ajlliscäyät ucapachajj wawanacapataquejj mä juramentwa lurtjja, jupanacarojj Egipto orakenwa uñstaracta. Ucansti aqham sasaw juramento luraracta: “Nayätwa Tatitu Diosamajja”, sasa.

Ezequiel 36:7

Uca laycuw nayajj jichhajj juramentompiw arsta, jichhajj jumanac jac'anquiri marcanacajj p'enkachjataw uñjasipjjani.

Ezequiel 47:14

Nayasti jumanacan nayra awquinacamaruw juramentompi churañataqui arsuyätjja. Jichhajj mayaqui jaljasipjjam. Jumanacan orakemäniw aca marcajja.

Daniel (hebreo) 12:7

Lino isimpi isthapitäcän uca jakesti, alajjpacharuw amparap lokti ucatsti jacquiri Diosan sutipjjaruw juramentompi arsuraqui aqham sasa: —Quimsa pacha chicatani, cunapachatejj Diosan marcapajj jan juc'ampi t'akhesiyatäjjani, ucapachaw take acanacajj tucusjjani —sasa.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Hechos 17:23

Jumanacajj sacrificionac loktasipjjerïctas ucawjanac sarnakcasinjja, nayajj mä altar jicjjatta aqham kellkatani: “Jan uñt'at Diosaru” sasa. Uca jan uñt'casin yupaychapctas uca Diosatpï nayajj jumanacarojj parlapjjsmajja —sasa.

Romanos 1:20

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Deuteronomio 32:40

Amparajja alajjpacharu lokatatta, nayan wiñayataquïtajj laycuw juramento luraraquï.

Hebreos 6:13

Cunapachatï Diosajj Abrahamaru: “Churämaw” siscäna ucapachajja, jupa pachpatwa juramento luräna, janiraquiw qhitis juc'amp jilïrejj utjcänti uca laycu.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Apocalipsis 10:2

Amparaparusti mä jisc'a libro apt'ataraquïnwa. Cupi cayupsti jach'a kotjjaruw tact'asi, ch'eka cayupsti orakjjaruraqui.

Apocalipsis 14:7

Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Apocalipsis 16:17

Pakallköri angelasti samana thayaruraquiw copapjja waranucu, alajjpachatsti santuariotpacha mä jach'a aruwa ist'asini, aqham sasa: “Jichhajj luratäjjewa” sasa.

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,